قوباد تاڵه‌بانی: رووبه‌ڕ‌ووی ئه‌و كه‌سانه‌ ده‌بینه‌وه‌ كه‌ ده‌بنه‌ كۆسپ بۆ وه‌به‌رهێنه‌ران

PUKMEDIA

قوباد تاڵه‌بانی جێگری سه‌رۆك وه‌زیرانی حكومه‌تی هه‌رێمی كوردستان

جێگری سه‌رۆك وه‌زیرانی حكومه‌تی هه‌رێمی كوردستان ئاماژه‌ بۆ ئه‌وه‌ده‌كات: " له‌ سێ ساڵی رابردوودا پارێزگای سلێمانی له‌ڕ‌ووی وه‌به‌رهێنانه‌وه‌ له‌سه‌ر ئاستی عیراقدا یه‌كه‌م بووه‌و به‌رده‌وامده‌بین له‌پشتگیریكردنی وه‌به‌رهێنه‌ران".

قوباد تاڵه‌بانی جێگری سه‌رۆك وه‌زیرانی حكومه‌تی هه‌رێمی كوردستان له‌هه‌ژماره‌ی تایبه‌تی خۆی له‌تۆڕی كۆمه‌ڵایه‌تی فه‌یسبوك نوسیویه‌تی:"به‌پێی ئاماره‌كان، له‌ سێ ساڵی رابردوودا پارێزگای سلێمانی له‌ڕ‌ووی وه‌به‌رهێنانه‌وه‌ له‌سه‌ر ئاستی عیراقدا یه‌كه‌م بووه‌و له‌ دوای ساڵی 2003 شه‌وه‌ زۆرترین وه‌به‌رهێنان هه‌ر له‌و سێ ساڵه‌دا بووه‌".

"خه‌ونی گه‌وره‌و پلانی تۆكمه‌ترمان هه‌یه‌ بۆ پته‌وتركردنی ژێرخانی ئابوری، به‌ هه‌موو هێزو توانامانه‌وه‌ به‌رده‌وام ده‌بین له‌پشتگیریكردنی وه‌به‌رهێنه‌ران و به‌توندی رووبه‌ڕ‌ووی هه‌ر كه‌س و لایه‌نێك ده‌بینه‌وه‌ كه‌ كۆسپ و ئاسته‌نگیان بۆ دروست بكات" قوباد تاڵەبانی وادەڵێت.

ئەمەش لەكاتێكدایە پێشتر قوباد تاڵەبانی جێگری سەرۆكی حكومەتی هەرێمی كوردستان لەگەڵ ژمارەیەك لەوەبەرهێنەران كۆبووەوەو بەڵێنی پێدان بەردەوام دەبێت لەپشتگیریكردنیان.

PUKMEDIA