یەکێتی شەڕی بەدەستهێنانەوەی دەسەڵات لە کەرکوک دەکات
کوردستان 11:44 AM - 2023-11-19ئەنجومەنی پارێزگای کەرکوک
یەکێتیی نیشتمانیی
کوردستان شەڕی بەدەستهێنانی پارێزگارێکی کورد لەسەر پشکی یەکێتی بۆ کەرکوک دەکات و
ئەو بەڕێوەبردنە خراپەی لەئێستادا لەلایەن پارێزگارێکی بەوەکالەتەوە بەرۆکی خەڵکی
شارەکەی گرتووە رەتدەکاتەوە، داواش لە هاووڵاتیانی کەرکوک دەکات پشتیوانی بکەن بۆ
کۆتاییهێنان بەو نادادییە و دەنگ بە کاندیدەکانی هاوپەیمانی کەرکوک هێزو
ئیرادەمانە بدەن.
سەرۆکی یەکێتی:کەرکوکییەکان خۆیان بڕیاردەرن
بافل جەلال تاڵەبانی سەرۆکی
یەکێتیی نیشتمانیی کوردستان لە پەیامێکدا رایگەیاند:"چیتر بڕیار بۆ کەرکوکییەکان
نادرێت، بەڵکو خۆیان بڕیاردەر دەبن و چارەنووسی خۆیان هەڵدەبژێرن و شەڕ لەپێناو
مافەکانیان دەکەن"، هاوکات ئاسۆ مامەند سەرۆکی قەوارەی
هاوپەیمانیی کەرکوک هێز و ئیرادەمانە دەڵێت:" لەئەمڕۆوە ئیرادەیەکی نوێ و ئیدارەیەکی چالاک بە دەنگەکانمان
دێنینە کایەوە کە پارێزگارەکەی کورد و یەکێتی بێت"، هەروەها رێبوار تەها
سەرۆکی لیستی هاوپەیمانی کەرکوک هێز و ئیرادەمانە لە پەیامێکدا
رایگەیاند:" هاوپەیامانێتییەکەمان دەیەوێت بەرگێکی نوێ بەبەری کەرکوکدا بکات،
ئەمەش لە پێناو خزمەتکردنی خەڵکی شارەکە و گۆڕینی ئەو سیستەمە بەڕێوەبردنە خراپەی
کەلەئێستادا بەرۆکی شارەکەی گرتووە".
یەکێتی شەڕی وەرگرتنەوەی پارێزگاری کەرکوک دەکات
رەمەزان جەباری کاندیدی
ژمارە ١٩ی هاوپەیمانی کەرکوک هێز و ئیرادەمانە بە سایتیی رەسمیی یەکێتیی نیشتمانیی
کوردستان PUKMEDIA ی
راگەیاند:"یەکێتی لەپارێزگای کەرکوک شەڕی وەرگرتنەوەی دەسەڵات و لابردنی بڕیارە
سەپێندراوەکان دەکات، بۆ ئەمەش داوا دەکەین خەڵکی کەرکوک پشتیوانمان بن و دەنگ بە
هاوپەیمانی کەرکوک هێز و ئیرادەمانە بدەن".
"بۆ داهاتوو
دەمانەوێت پارێزگاری کەرکوک کورد بێت و لەسەر پشکی یەکێتیش بێت، چونکە ئەو زوڵم و
زۆرەی لەئێستادا بەرامبەر بە نەتەوەکەمان دەکرێت، جێی قبوڵ نییە و بە وەرگرتنی
دەسەڵاتی خۆجێی لە کەرکوک کۆتایی بەو ناعەدالەتییانە دەهێنین"، رەمەزان
جەباری وایوت.
یەکێتی هەوڵی پێکهێنانی ئیدارەیەکی نوێ لەکەرکوک دەدات
یەکێتیی نیشتمانیی
کوردستان لەپێناو خزمەتکردنی خەڵکی کەرکوک و کۆتاییهێنان بەو نادادییەی لەلایەن
پارێزگارێکی بەوەکالەتەوە لەکەرکوک ئەنجام دەدرێت، هەوڵی بەدەستهێنانی پۆستی
پارێزگاری شارەکە دەدات بۆئەوەی ببێتە چەترێکی کۆکەرەوە و خزمەت بۆ سەرجەم
پێکهاتەکانی شارەکە.
جیهان ئیبراهیم کاندیدی
ژمارە ٢٠ی هاوپەیمانی کەرکوک هێز و ئیرادەمانە بە سایتیی رەسمیی یەکێتیی نیشتمانیی
کوردستان PUKMEDIA ی
راگەیاند:"ئەگەر زۆرترین کاندیدمان بچێتە ئەنجومەنی پارێزگای کەرکوک، لەئەنجومەنەکە
دەبینە زۆرینە و هەوڵی پێکهێنانی ئیدارەیەکی نوێ دەدەین، کە رەنگدانەوەی سەرجەم
پێکهاتەکانی شارەکە بێت".
"یەکێتی لەپێناو
خزمەتکردنی خەڵک و کۆتاییهێنان بەو نادادییەی لەلایەن پارێزگارێکی بەوەکالەتەوە
لەئێستادا لەکەرکوک ئەنجام دەدرێت، هەوڵی بەدەستهێنانی پۆستی پارێزگاری شارەکە دەدات
بۆ ئەوەی ببینە چەترێکی کۆکەرەوە و خزمەت بۆ سەرجەم پێکهاتەکانی کەرکوک، ئەمەش
لەرابردوودا سەلمێنراوە کە کوردێک پارێزگار بێت چۆن خزمەتدەکات"، جیهان ئیبراهیم
وایوت.
هاوپەیمانی کەرکوک هێز و ئیرادەمانە بە ٣٠ کاندید بەشداری هەڵبژاردن دەکات
بۆ
هەڵبژاردنی ئەنجومەنی پارێزگاکانی عیراق لە پارێزگای کەرکوک ٢٤٤ کاندیدی بوونیان
هەیە، کە ١٧٧ کاندیدیان لە رەگەزی نێر و ٦٧ کاندیدیان لە رەگەزی مێن، هەروەها بۆ
هەڵبژاردنەکە پێنج حزب و ١٠ هاوپەیمانی بەشدارن.
لیستی هاوپەیمانی کەرکوک هێز و ئیرادەمانە، کە بەژمارە ١٤٢ بە ٣٠
کاندید بەشداری هەڵبژاردنی ئەنجومەنی پارێزگای کەرکوک دەکات، سەرجەم کاندیدەکانی کەسانی
پسپۆڕ و شارەزان و لەلایەن کۆمسیۆنی باڵای سەربەخۆی هەڵبژاردنەکانی عیراقەوە
پەسەند کراون و مەرجەکانی کاندیدبونیان تێدایە و پێشینەی تاوانکارییان نییە و
دەستپاکن و بەعسی نەبوون.
PUKMEDIA
هەواڵی زیاتر
-
قوباد تاڵەبانی: دواخستنی هەڵبژاردن زیان بە شەرعییەتی هەرێم دەگەیەنێت
06:07 PM - 2024-05-09 -
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
12:01 PM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08
ئەمانەش ببینە
کوردستان 11:55 AM - 2024-05-10 فراکسیۆنی یەکێتی داوای قەرەبووی زیانلێکەوتوانی بازاڕی قەیسەری هەولێر دەکات
داهاتی هەفتەی رابردووی سلێمانی زیاتر لە 10 ملیار دینارە
09:06 AM - 2024-05-10
قوباد تاڵەبانی بۆ وەفدێکی ئەمریکا: پەکخستنی هەڵبژاردن هەرێم دەخاتە مەترسییەوە
08:59 PM - 2024-05-09
هەڵوێستی یەکێتی راستگۆ و نەگۆڕە لەسەر هەڵبژاردن
04:33 PM - 2024-05-09
سەرۆک بافڵ: پەیوەندییەکانمان بۆ بەرژەوەندییە نیشتمانییەکانە
03:31 PM - 2024-05-09
زۆرترین خوێنراو
-
هاوخەمی کۆسرەت رەسوڵ بۆ شێخ میقداد
پرسەنامە 04:49 PM - 2024-05-09 -
هاوخەمی مەکتەبی سیاسی بۆ شێخ میقداد
پرسەنامە 04:43 PM - 2024-05-09 -
هەڵوێستی یەکێتی راستگۆ و نەگۆڕە لەسەر هەڵبژاردن
کوردستان 04:33 PM - 2024-05-09 -
سەرۆک بافڵ: پەیوەندییەکانمان بۆ بەرژەوەندییە نیشتمانییەکانە
کوردستان 03:31 PM - 2024-05-09 -
هاوخەمی سەرۆک بافڵ بۆکۆچی دوایی خاتوو نازەنین
پرسەنامە 03:02 PM - 2024-05-09 -
هەڵوێستە نەگۆرەکانی یەکێتی لە واشنتۆنەوە
بیروڕا 02:46 PM - 2024-05-09 -
پهرلهمان بۆ ههڵبژاردنی سهرۆك پشووهكهی دوادهخات
کوردستان 12:30 PM - 2024-05-09 -
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
کوردستان 12:01 PM - 2024-05-09