رێککەوتنی ژێربەژێر پاڵاوگە دزراوەکەی بێجی هێنایە هەولێر
کوردستان 05:38 PM - 2023-08-22بەشێک لە کەلوپەلی پاڵاوگە دزراوکەی بێجی
پاڵاوگه تاڵانكراوهكهی بێجی كه له ههولێر
دۆزرایهوه، بووه بابهتێكی گهرمی میدیایی ناوخۆیی و تۆڕه كۆمهڵایهتییهكانی
تهنی، ئهمهش زیانی بۆ ناوبانگی پایتهختی ههرێم ههیه، پهنجهی تۆمهت بۆ بهرپرسانی
حكومی و حزبی ئهو شاره رادهكێشرێت، كه چۆن پاڵاوگهیهكی وا گهوره دهدزرێت
و دهشاردرێتهوه ئهگهر "بهرپرس و دهستڕۆیشتوهكانی" له پشت نهبێت،
ئەندامێکی پەرلەمانی کوردستانیش دەڵێت، "پاڵاوگەکەی بێجی بە رێککەوتنی ژێربەژێر هێنراوەتە هەولێر
و حەشاردراوە".
پاڵاوگهی بێجی له پارێزگای سهڵاحهددینه و 230 كلیۆمهتر له ههولێری
پایتهختی ههرێمهوه دووره، پاڵاوگه تاڵانكراوهكه بهنهێنی براوهته ههولێر،
بهڵام جارێكی دیكه به ئاشكرا دهگوازرێتهوه بۆ بێجی.
پاڵاوگەی بێجی بە رێککەوتنی ژێربەژێر هێنراوەتە هەولێر
باڵانبۆ
محەمەد جیگری سەرۆکی لێژنەی ناوخۆ و ئاسایش و ئەنجومەنە خۆجێییەکان لە خولی
پێنجەمی پەرلەمانی کوردستان بە سایتی رەسمی یەکێتیی نیشتمانیی کوردستان PUKMEDIA ی راگەیاند:
"پاڵاوگەکەی بێجی بە رێککەوتنی ژێربەژێر هێنراوەتە هەولێر و حەشاردراوە، ئەگەر
وانییە چۆن پاڵاوگەیەکی لەو شێوەیە گەورە هێنراوەتە هەولێر و بۆماوەی هەشت ساڵ
حەشاردراوە".
"ژمارەیەک
بەرپرسی سەربازی مامەڵەی بازرگانییان لەگەڵ داعش هەبووە و وەک چۆن کەلوپەلی
سەربازییان لێدەکڕین، بەوشێوەیەش پێدەچێت پاڵاوگەکەیان لێکڕیبێتن، بۆیە ئەرکی
پەرلەمانتارە کوردەکانە لە بەغدا کە بەدواداچوون بۆ ئەو بابەتە بکەن و راستی
دۆزینەوەی پاڵاوگەی بێجی لە هەولێر بۆ رای گشتی ئاشکرا بکەن"، باڵانبۆ محەمەد
وادەڵێت.
ناکرێت حکومەت بێ ئاگا بێت
پاڵاوگه دزراوهكه به 100 ئۆتۆمبێلی بارههڵگر له بێجییهوه گواستراوهتهوه
بۆ ههولێر و جارێكی دیكهش به 100 بارههڵگر له ههولێرهوه دهگوازرێتهوه بۆ
بێجی و به وتهی محهمهد شیاع سودانی سهرۆكوهزیرانی عیراق: "تا
ئێستا 60 بارههڵگری پاڵاوگهكه له ههرێمهوه گواستراوهتهوه بۆ بێجی".
جیگری
سەرۆکی لێژنەی ناوخۆ و ئاسایش و ئەنجومەنە خۆجێییەکان لە خولی پێنجەمی پەرلەمانی
کوردستان دەشڵێت: "بێدەنگبوونی حکومەت لەسەر دۆزینەوەی پاڵاوگەکەی بێجی لە
هەولێر گومانی لای خەڵک دروستکردووە ، چونکە ناکرێت 100 ترێلە کەلوپەلی پاڵاوگەکە بێتە هەولێر و
حکومەت ئاگادار نەبێت، بۆیە پێویستە روونبکرێتەوە کە ئەو پاڵاوگەیە چۆن گەیشتە
هەولێر؟، کێ هێنای؟، کێ کڕی؟، کێ حەشاری داوە؟".
ئاماژەی
بەوەشدا: "دەکرێت لایەنێکی هەرێمی کوردستان لەپشت کڕینەوەی پاڵاوگەکە بێت،
بەڵام ناکرێت پەنجەی تۆمەت بۆ هەولێری پایتەخت و هەموو خەڵکی هەرێم درێژ بکرێت و
هەموو خەڵکی خەڵکی هەرێمی پێ تۆمەتبار بکرێت".
سودانی پاڵاوگە دزراوەکەی بێجی دەخاتەوە کار
حکومەتی
عیراق بەنیازە پاڵاوگە دزراوەکەی بێجی لە هەولێر بگەڕینێتەوە و لەماوەیەکی نزیکدا لە
بێجی بیخاتەوە کار کە رۆژانە توانای هەیە 150 هەزار بەرمیل نەوت بپاڵێوێت.
پێشتریش بههجهت
ئهحمهد پسپۆڕ له بواری گرێبهسته نهوتییهكان به سایتی رهسمی یهكێتیی
نیشتمانیی كوردستان PUKMEDIA ی راگهیاندبوو: "ئهو پاڵاوگهیهی له بێجی
تاڵانكرا، پارچهكانی لهههولێر دۆزراوهتهوهو حكومهتی عیراقیش ههوڵهكانی بهردهوامه
كه له ساڵی داهاتوودا پاڵاوگهكه بخاتهوه كار، كه مهزهنده دهكرێت رۆژانه
150 ههزار بهرمیل بپاڵێوێت".
"پاڵاوگهی بێجی كه تاڵان كراوه به نزیكهی دوو
ملیار دۆلار مهزهنده دهكرێت، بهڵام ئهم بابهته رویهكی ناشرینی دیكهی ههیه،
كهئهویش مامهڵه كردنه لهگهڵ تیرۆریستانی داعش، دیاره كاتێك پێشمهرگهی یهكێتی
له دژی داعش شهڕی دهكرد و شههید دهبوون، ئهوان سهرقاڵی مامهڵهی بازرگانی
بوون لهگهڵ تیرۆریستان و ئهو پاڵاوگهیهیان لێكڕیون"، بههجهت ئهحمهد
وای وت.
دوای هەشت ساڵ پاڵاوگە دزراوەکەی بێجی لە هەولێر دۆزرایەوە
و لەوماوەیەشدا حکومەتی هەرێم لەبارەی ئەو پاڵاوگەیەوە بێدەنگی هەڵبژاردبوو، ئەمەش
گومانی لای چاودێرانی سیاسی و خەڵک دروستکردووە و پێیان وایە باڵاوگەکە بەمەبەست لە
تیرۆریستان کڕدراوەتەوە، چونکە لە ساڵی 2014، کاتێک داعش بێجی داگیرکرد پاڵاوگەکە
تاڵانکرا و لەدوای هەشت ساڵیش پەرلەمانتارێکی عیراق بەناوی هەیبەت حەلبوسی لە
بەرنامەیەکی تەلەفزیۆنیدا دۆزینەوەی پاڵاوگە دزراوەکەی بێجی لە هەولێر راگەیاندن و
ئاماژەی بەوەشدا بەشێکی پاڵاوگەکە گەڕێندراوەتەوە شوێنی خۆی.
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16