بلاسخارت: هەرێم و عیراق لەسەر پرسی نەوت رێککەوتوون
کوردستان 07:31 PM - 2023-05-18جنین بلاسخارت
لە کۆبوونەوەی ئەنجوومەنی
ئاسایشی نێودەوڵەتی کە تایبەتە بە دۆخی عیراق، بلاسخارت رایگەیاند:" هەرێم و
بەغدا کە پێشتر لەسەر کەرتی وزە ناکۆکیان هەبوو لە ئێستادا کەوتوونەتە رێککەوتن".
جنین بلاسخارت نێردەی
تایبەتی نەتەوە یەکگرتووەکان لە عێراق لە کۆبوونەوەی ئەنجوومەنی ئاسایشی نێودەوڵەتی کە
تایبەتە بە دۆخی عیراق، رایگەیاند:" هەرێم و بەغدا کە پێشتر لەسەر
کەرتی وزە ناکۆکیان هەبوو، لە ئێستادا کەوتوونەتە رێککەوتن لەسەر ئەو پرسە و بڕیاریانداوە
لەڕێگەی هێڵی تورکیاوە نەوت هەناردەی بەندەری جیهان بکەن".
"لەگەڵ ئەوەی بەگشتی
لەعیراق بارودۆخەکە سەقامگیر نییە لە هەرێمی کوردستانیش هەڵبژاردن دواکەوتووە و
بڕیارە لەمانگی ١١ی ئەمساڵدا هەڵبژاردن ئەنجام بدەن، ئەمە لەکاتێکدایە کەلەناوخۆی
هەرێمی کوردستانیش بابەتە سیاسییەکان بەرەو چارەسەر دەچن و حزبەکان لەیەک نزیک
بوونەتەوە". جنین بلاسخارت وایوت
راشیگەیاند:"ئەوەی لە
عیراق لەماوەی ٢٠ ساڵی رابردوودا روویداوە گەندەڵی و ناسەقامگیرییەکی زۆر بووە،
تەنانەت لەڕووی سیاسی و ئەمنیشەوە بارودۆخی عیراق باشنەبووە، بەڵام لەساڵی رابردووەوە
هەنگاوی گرنگ لەوبارانەوە دراوە و پرسی نەوتیش کە پرسێکی گرنگە بەرەوپێشچونی
بەخۆیەوە بینیوە، ئەمە لەکاتێکدا هەمیشە لەعیراق دەنگی ناڕەزایی هەبووە و خەڵک پێویستی بە خزمەتگوزاری و هەلی کار
هەبووە".
دەستوری عیراق ناسەقامگیرە
بلاسخارت لەوتەکانیدا تیشکی
خستە سەر دەستووری عیراق و رایگەیاند:" دەستوری عیراق ناسەقامگیرە و
نەیتوانیوە پارێزگاری لەخاکەکەی بکات، بەردەوامیش حکومەتە یەک لەدوا یەکەکانی عیراق
لەگەڵ لایەنەکانی عیراقدا لەگفتوگۆدا بوون بۆ چارەسەری کێشەکان و ئەو
ناهاوسەنگییەی کەهەبووە، ئەوەشی خستەڕوو ئێمە بەردەوام هەوڵمانداوە پردێکی
پەیوەندی لەنێوان حکومەت و خەڵکدا بدۆزینەوە بە ئامانجی چارەسەرکردنی کێشەو
گرفتەکان".
راشیگەیاند:"سیاسەتی کەرتی وزە لەعیراق پێویستی بەگۆڕانکاری هەیە و
ئێمەش لەوپێناوەدا پشتیوانیان دەبین، لەکاتێکدا عیراق پێویستی بەهاوکاری هەموو
وڵاتان هەیە، چونکە بە قۆناغێکی مەترسیداردا تێدەپەڕێت".
بلاسخارت لەبارەی رێککەوتنی شەنگالەوە لە کۆبوونەوەی کۆبوونەوەی ئەنجوومەنی ئاسایشی نێودەوڵەتی رایگەیاند:"رەشبینم بە رێککەوتنی شەنگال
چونکە هیچ خاڵێک لە خاڵەکان تا ئێستا جێبەجێ نەکراوە، نیگەرانین لەوەی لەئێستادا
لەشەنگال دەگوزەرێت و دەبێت ئاشتەوایی و ئاوەدانی لەشەنگال سەقامگیر ببێت".
عیراق بەقۆناغێکی مەترسیداری بێ ئاویدا تێدەپەرێت
لەبارەی دروستبوونی قەیرانی ئاو لە عیراق نێردەی تایبەتی نەتەوە یەکگرتووەکان لە عیراق
وتی:"عیراق بەقۆناغێکی مەترسیداری بێ ئاویدا تێدەپەرێت و لە٪٩٠ی سەرچاوە
ئاوییەکانی پیسبووە، بۆ ئەمەش پێویستە سەرچاوەکانی ئاو لەنێوان عیراق و وڵاتانی
دراوسێیدا چارەسەرێکی بۆ بدۆزرێتەوەو گلدانەوەی ئاو لەوڵاتانی دراوسێی عیراق
کەمبکرێتەوە، ئەمەش لەکاتێکدایە دۆخی ئەمنی عیراق بەگشتی و خاڵە سنوورییەکانی
بەتایبەتی وەک پێویست نین".
لەکۆتایی
قسەکانیشیدا جنین بلاسخارت وتی:"پێویستە هانی عیراق بدرێت بۆ پارێزگاریکردنی
زیاتری مافی ژنان و ئازادی رادەربڕین، کە لەئێستادا وەک پێویست نین".
ئەمەش لە کاتێکدایە سەبارەت بە پرسی هەڵبژاردن لەهەرێم ئەمڕۆ لەتیف نێروەیی ئەندامی سەرکردایەتی و بەرپرسی بۆردی ھەماھەنگی و بەدواداچوون لە دەزگای ھەڵبژاردنی یەکێتی بە PUKMEDIA ی راگەیاند" یەکێتی ئومێدی وایە کۆبوونەوەکان بە دەرئەنجامی ئەرێنی کۆتاییان پێبێت و ھەرێمی کوردستان بەرەو ھەڵبژاردنێکی پاک و بێگەرد و دیموکراتی ھەنگاو بنێت".
PUKMEDIA
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
ئەمانەش ببینە
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
زۆرترین خوێنراو
-
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26 -
لە یادی بۆردومانی هەڵەبجەدا
بیروڕا 11:03 PM - 2024-04-25 -
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25