سەرۆکی یەکێتی: خاتوو فاتیمە نموونەی ژنی قارەمان و تێکۆشەر بوو

PUKMEDIA

خاتوو فاتیمە

‌‎پەیامی هاوخەمییەکان بۆ کۆچی دوایی ژنە شۆرشگێر خاتوو فاتیمە قادر محەمەد.

دەقی پەیامی سەرۆک بافڵ...

كۆچی دوایی خاتوو (فاتیمە قادر مەحمود)، ژنە دڵسۆز و شۆڕشگێڕەکەی رێگای خەبات لە دڵەوە نیگەرانی كردین.

‌‎خاتوو فاتیمە مێژوویەكی درەوشاوەی لە رۆژگاری سەختی خەباتدا تۆماركرد و سەرباری هەموو نەهامەتییەكان، لە رێگا پیرۆزەكەی كوردایەتی لاینەدا و نموونەی ژنی قارەمان و تێكۆشەری كوردستان بوو.

‌‎لەخوای گەورە داواكارم دایكە فاتیمە بە بەهەشتی بەرین شاد بكات و سەبووری و ئارامی بەهەموولایەك ببەخشێت.

‌‎بافڵ جەلال تاڵەبانی
‌‎سەرۆکی یەکێتیی نیشتمانیی کوردستان

دەقی پەیامی کۆسرەت رەسوڵ...

کۆسرەت رەسول عەلی هاوخەمی بۆ کۆچی دوایی خاتوو فاتیمە قادر مەحمود دەردەبڕێت

بەڕێزان: ئاراس شێخ جەنگی و لاهور شێخ جەنگی

بەداخێکی زۆرەوە هەواڵی کۆچی دوایی خاتوو (فاتیمە قادر مەحمود) خێزانی کۆچکردوو شێخ جەنگی و دایکی بەڕێزتانم بیست، دڵگران و خەمباری کردم، هاوبەشی خەمتانم، پرسەو سەرەخۆشی و هاوخەمی خۆمتان ئاراستە دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.

کۆسرەت رەسول عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان

دەقی پرسەنامەی مەکتەبی سیاسی...

‌‎دڵگرانین بەکۆچی دوایی خاتوو (فاتیمە قادر مەحمود)، نمونەی ژنی دڵسۆز و تێکۆشەری رێگای رزگاری گەلەکەمان.

‌‎خاتوو فاتیمە لە نێو ڕۆژگاری خەباتی سەختی گەلەکەماندا خاوەنی مێژوویەکی پڕ لەبەخشش و میهرەبانی بوو .

‌‎لەیەزدانی مەزن داواكارین کۆچکردوو بە بەهەشتی بەرین شاد بكات و سەبووری بەگشت لایەك ببەخشێت.
       
اناللە وانا الیە راجعون

مەکتەبی سیاسی
‏ یەکێتیی نیشتمانیی کوردستان

دەقی پەیامی قوباد تاڵەبانی...

زۆر بەداخەوە ئەمرۆ فاتمە خانی خێزانی مامە جەنگی رەحمەتیم کۆچی دوایی کرد. خوای گەورە لێی خۆش بێت و جێگەی بەهەشتی بەرین بێت.
انا لله وانا إليه راجعون

PUKMEDIA