عیزه‌ت سابیر: نادادی به‌رده‌وامبێت ته‌مه‌نی حكومه‌ت كورت ده‌بێت

عیزەت سابیر

ئه‌ندامێكی سه‌ركردایه‌تی یه‌كێتی رایده‌گه‌یه‌نێت:" ئه‌گه‌ر مووچه‌ و داهات ئه‌م هه‌رێمه‌ به‌ دادپه‌روه‌ری دابه‌شنه‌كرێت ته‌مه‌نی ئه‌م حكومڕانییه‌ كورت ده‌بێت".

د. عیزه‌ت سابیر ئه‌ندامی سه‌ركردایه‌تی یه‌كێتیی نیشتمانیی كوردستان رایگه‌یاند:" پێویسته‌ داهات و مووچه‌ و بودجه‌ به‌ یه‌كسانی دابه‌ش بكرێن و نادادپه‌روه‌ری نه‌بێت، ئه‌گه‌رنا ته‌مه‌نی ئه‌و حكومڕانییه‌ی كه‌ به‌ نادادپه‌روه‌ری كار ده‌كات كورت ده‌بێت."

 وتیشی:" له‌ ساڵی 2019 و 2020 و 2021 ته‌نها له‌سه‌دا 30 بۆ 35ی داهات بۆ خه‌ڵك ماوه‌ته‌وه‌ و له‌سه‌دا 65ی رۆیشتووه‌ بۆ كۆمپانیاكان، هه‌روه‌ها ساڵی رابردوو داهاتی حكومه‌تی هه‌رێم یه‌ك ملیار دۆلار بووه‌، به‌ڵام هێشتا پڕۆژه‌ و بودجه‌ نییه‌ و بانكه‌كانیش پاره‌یان تێدا نییه‌و كه‌س نازانێت ئه‌و پاره‌یه‌ بۆ كوێ رۆیشتووه‌".

PUKMEDIA