شەفافییەت داهاتی هەفتەیەکی سلێمانی رادەگەیەنێت

داهاتی هەفتەیەکی پارێزگای سلێمانی

شەفافییەت داهاتی یەک هەفتەی سلێمانی رادەگەیەنێت کە زیاتر لە 4 ملیار دینار بووە.

داهاتی یەک هەفتەی سلێمانی لە رۆژی 24-12-2022 تا 30-12-2022، بڕی 4 ملیار و 324 ملیۆن و 713 هەزار و 300 دینار بووە، بەجۆرێک کە زیاد لە 4 ملیار دیناری نەختینەیە و هەروەها زیاد لە 2 ملیۆن دینار بەشێوەی چەکە و مقاصە (0)ـە.

سایتی شەفافیەت بۆ چاودێری و رێكخستنی داهاتە نانەوتیەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەک هەفتەی راگەیاندووە بەشێوەیەک، 4 ملیار و 322 ملیۆن و 496 هەزار و 250 دینار، نەختینەیە.

هەروەها 2 ملیۆن و 217 هەزار و 50 دینار، بەشێوەی چەکە و مقاصە (0)ـە.

رۆژی 15-12-2022 دوای 30 ساڵ، حكومه‌تی هه‌رێمی كوردستان له‌سه‌ر ده‌ستی قوباد تاڵه‌بانی بوو به‌خاوه‌نی پرۆژه‌ی شه‌فافییه‌ت له‌ داهات و خه‌رجی.

ئێستا رۆژانه‌ ده‌توانیت سه‌رجه‌م داهاته‌ نانه‌وتییه‌كانی پارێزگاكانی سلێمانی و هه‌ڵه‌بجه‌ و هه‌ردوو ئیداره‌ی سه‌ربه‌خۆی گه‌رمیان و راپه‌ڕین له‌سایتی شه‌فافییه‌ته‌وه‌ بزانیت.

به‌پێی نوێترین ئاماری سایتی شه‌فافییه‌ت   www.shafafiat.com‌، بڕیاریشه‌ هه‌موو رۆژێك داهاتی ئه‌و شوێنانه‌ بڵاوبكرێته‌وه‌.

PUKMEDIA