سەرۆككۆمار و سەرۆكی هاوپەیمانی فەتح جەخت لەپاڵپشتیكردنی حكومەت دەكەنەوە

د.لەتیف جەمال ڕەشید سەرۆك كۆماری عيراق و هادی عامری سەرۆكی هاوپەیمانی فەتح

 د.لەتیف جەمال ڕەشید  سەرۆك كۆماری عيراق، ئەمڕۆ 23ی نۆڤێمبەری 2022، لە كۆشكی بەغدا پێشوازی لە هادی عامری سەرۆكی هاوپەیمانی فەتح كرد.

 لە كۆبوونەوەكەدا، هەردوولا جەختیان لەسەر  پێویستی یەكخستنی هەوڵەكان بۆ پاڵپشتیكردنی حكومەت لە جێبەجێكردنی بەرنامەی كاری لەپێناو باشتركردنی بارودۆخی ژیان و خزمەتگوزاری هاووڵاتیان كردەوە.

 هەر لەو دیدارەدا باس لە بارودۆخی ئەمنی و سیاسی وڵات كرا، هەروەها گرنگی یەكخستنی دیدگاكان و هەماهەنگی بەردەوام و چارەسەركردنی كێشەكان لەسەر بنەمای دیالۆگ و لێكتێگەیشتن دووپاتكرایەوە بە شێوەیەك كە ئاسایش و سەقامگیری عیراق بپارێزێت.

PUKMEDIA