سەرۆك بافڵ و وەزیری پەروەردە: كێشەی مامۆستا و خوێندنی كوردی كەركوك چارەسەربكرێت
عیراق 06:28 PM - 2022-11-21
بافڵ جەلال تاڵەبانی، سەرۆكی یەكێتیی نیشتمانیی كوردستان لە ماڵی مام لە بەغدا پێشوازیكرد لە ئیبراهیم نامس جبووری وەزیری پەروەردەی عیراق.
لەدیدارێكدا گفتوگۆ لەبارەی هەوڵەكان بۆ پەرەوپێشچوونی پرۆسەی پەروەردە و خوێندن كرا و چارەسەركردنی كێشەكان و رەخساندنی زەمینەیەكی لەبار بۆ خوێندكاران و مامۆستایان وەك یەكێك لە سێكتەرە گرنگەكانی كۆمەڵگە جەختی لێكرایەوە.
لەدیدارەكەدا سەرۆك بافڵ جەلال تاڵەبانی ئاماژەی بە كێشەی خوێندن بە زمانی كوردی و راژەی مامۆستایان كرد لە كەركوك و ناوچە دابڕێنراوەكان و رایگەیاند:"دەبێت كێشەكانی مامۆستایان چارەسەربكرێن و خوێندن بە زمانی كوردی لە شاری كەركوك بەرەوپێشچوونێكی بەرچاو بەخۆیەوەببینێت. بۆ ئەم مەبەستەش داوامانكردووە راژەی مامۆستایان بگوێزرێتەوە بۆسەر وەزارەتی پەروەردەی عیراق و مافە یاساییەكانیان بەدەستبهێنن. كە ئەمەش یەكێكبووە لەو خاڵە گرنگانەی لە كارنامەی حكومەتی نوێ جێگیركراوە و پرۆژەی یەكێتیی نیشتمانیی كوردستان بووە."
كێشەكانی بەردەم پرۆسەی خوێندن و خوێندكارانی خوێندنگەكان لە هەرێمی كوردستان یەكێكیتربوو لە تەوەرەكانی دیدارەكە و سەرۆك بافڵ وتی:" ئێمە لە خەمی بەرەوپێشچوونی ئەو كەرتە گرنگەی كۆمەڵگەین و دەبێت گرنگی زیاتری پێبدرێت، كارەكانیشمان لە رابردوودا بۆ خزمەتی خوێندكاران و مامۆستایان دەرخەری ئەو راستییەن. لەكاتێكدا ئەركی حكومەت و دامەزراوە پەیوەندیدارەكانە ژینگەیەكی ئارام و لەبار بۆ خوێندكاران و مامۆستایان بڕەخسێنن و هەنگاو بە ئاڕاستەی بەرەوپێشچوونی پرۆسەكەدا بنێن".
لەبەرامبەردا ئیبراهیم نامس جبووری، وەزیری پەروەردەی عیراق ستایشی هەوڵەكانی سەرۆكی یەكێتی كرد لەبەرامبەر هەوڵەكانی بۆ خزمەتی پەروەردە و پرۆسەی فێركردن و رایگەیاند:" بەڵێن دەدەین بەدواداچوون بۆ كێشەكان بكەین و لیژنەیەكی تایبەت بۆ چارەسەركردنی كێشەكان پێكبهێنین تاوەكو بتوانین خزمەتی خوێندن بە زمانی كوردی و مامۆستایان بكەین".
PUKMEDIA
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 107 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26 -
لە یادی بۆردومانی هەڵەبجەدا
بیروڕا 11:03 PM - 2024-04-25 -
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25