فراکسیۆنی یەکێتی بۆ سەرۆککۆمار: دڵنیاین مافە دەستورییەکانی گەلی کورد دەپارێزیت

فراکسیۆنی یەکێتی لە ئەنجومەنی نوێنەرانی عیراق پەیامێکی پیرۆزبایی ئاڕاستەی سەرۆککۆماری عیراق دەکات.

دەقی پەیامەکە:

پیرۆزبایی لەبەڕێز د. لەتیف رەشید دەکەین بەبۆنەی هەڵبژاردنی وەک سەرۆک کۆماری عێراقی فیدرال، دڵنیاین وەک دۆستی دێرینی سەرۆک مام جەلال و تێکۆشەری دێرینی یەکێتی، لەسەر رێگاو ئەزموونی سەرۆک مام جەلال کار بۆ قۆڵکردنەوەی پێکەوەژیان و پاراستنی دەستۆر و شکۆ و سەروەری عێراق و پاراستنی مافە دەستورییەکانی گەلی کوردستان دەکات. 

هەروەها پیرۆزبایی لە بەڕێز محەمەد شیاع سوودانی دەکەین بەبۆنەی راسپاردنی بۆ پێکهێنانی کابینەی نوێی حکومەت، هیوادارین کابینەیەکی بەهیز و خزمەتگوزار پێکبهێنرێت و ڕەنگدانەوەی هەموو هێزە سیاسیەکان و پێکهاتەکانی عێراق بێ و بتوانێت خزمەتگوزاری و خۆشگوزەرانی و ئارامی دابین بکات و بەگژاچوونەوەی گەندەڵی بکاتە ئەرکێکی هەرە سەرەکی خۆی و پەرە بە پەیوەندییەکانی هەرێم و حکومەتی فیدرال بدات و کێشە هەڵپەسێردراوەکانی نێوان هەردوولا چارەسەر بکات. 

فراکسیۆنی یەکێتی لە ئەنجومەنی نوێنەرانی عێراق

PUKMEDIA