قوباد تاڵه‌بانی: پشتیوانی هه‌ر هه‌وڵێك ده‌كه‌ین كه‌ خزمه‌ت به‌ گه‌نجان بكات

قوباد تاڵه‌بانی رایده‌گه‌یه‌نێت، پشتیوانی هه‌ر هه‌وڵ و چالاكییه‌ك ده‌كه‌ین له‌پێناو ره‌خساندنی هه‌لی كاری زیاتر بۆ گه‌نجانمان و له‌ده‌ستپێشخه‌رییه‌كی رێكخراوی “ڤیم” دا هه‌لی كار بۆ زیاتر له‌ 1000 گه‌نج ده‌ڕه‌خسێنرێت.

قوباد تاڵه‌بانی جێگری سه‌رۆك وه‌زیرانی هه‌رێمی كوردستان له‌په‌ڕه‌ی تایبه‌تی خۆی له‌تۆڕی كۆمه‌ڵایه‌تی فه‌یسبوك نوسیویه‌تی، ئه‌مڕۆ له‌پێشانگای ھه‌لی كاری رێكخراوی “ڤیم” بووم له‌شاری سلێمانی و نزیكه‌ی 60 كۆمپانیای ناوخۆیی و بیانی تێیدا به‌شدارن كه‌ له‌ماوه‌ی دوو رۆژدا زیاتر له‌ 1100 هه‌لی كاری نوێ بۆ گه‌نجان ده‌ڕه‌خسێنن.

PUKmedia تایبه‌ت