لەبەغداوە پارە گەیشتە هەرێم

حكومەتی عیراق زیاتر لە 23 ملیار دیناری تری رەوانەی هەرێم كرد كە شایستە داراییەكانی جوتیارانەو بڕیارە بەسەر جوتیاراندا دابەشبكرێت. 
وەزارەتی بازرگانی و پیشەسازی هەرێم بڵاویكردەوە: بڕی 23 ملیار و  350 ملیۆن دیناری تری شایستە داراییەكانی جوتیاران خرایە سەر حسابی وەزارەتی بازرگانی و پیشەسازی هەرێم كە بەسەر پارێزگاكاندا دابەشكراوە.
رونیشیكردوەتەوە: پارێزگای سلێمانی بڕی 9 ملیار دینار، پارێزگای هەولێر بڕی 7 ملیارو 750 ملیۆن دینار، پارێزگای دهۆك بڕی 6 ملیار و 600 ملیۆن دینار.
ئەوەشی خستوەتەڕوو: بڕیارە دوای تەواو بونی رێكارە كارگێڕی و داراییەكان بەسەر جوتیاران دابەش بكرێت.
PUKmedia