كچێك و ژنێك له‌ گه‌رمیان گیان له‌ده‌ستده‌ده‌ن

له‌دوو رووداوی جیادا له‌ گه‌رمیان كچێك و ژنێك به‌ په‌ت گیان له‌ده‌ستده‌ده‌ن و لێكۆڵینه‌وه‌ له‌رووداوه‌كان ده‌ستیپێكردوه‌.

موقه‌ده‌می مافپه‌روه‌ر عه‌لی جه‌مال قدووری لێپرسراوی ڕاگه‌یاندنی پۆلیسی گه‌رمیان رایگه‌یاند: دره‌نگانێكی شه‌وی ڕابردوو له‌گه‌ڕه‌كی حه‌ی موه‌چه‌فینی قه‌زای كه‌لار ته‌رمی ژنێك له‌نه‌ته‌وه‌ی عه‌ره‌ب به‌ناوی ( خ - خ - ع) له‌دایكبووی 2000 كه‌ژنی ماڵه‌وه‌بووه‌ هێنرایه‌ به‌شی فریاكه‌وتنی شه‌هید هه‌ژار كه‌به‌هۆی هه‌ڵواسینه‌وه‌ گیانی له‌ده‌ستدابوو به‌ وته‌ی كه‌سوكاری ناوبرا سێ مانگه‌ زه‌واجی كردوه‌و ئه‌مشه‌و خۆی هه‌ڵواسیوه‌و له‌ئه‌نجامدا گیانی له‌ده‌ستداوه‌.

وتیشی: هه‌روه‌ها به‌ره‌به‌یانی ئه‌مڕۆش له‌گوندی ساڵح ئاغا سه‌ر به‌ناحییه‌ی قۆره‌توو ته‌رمی كچێك به‌ناوی( ج- س - ا )له‌دایكبووی 2007 هێنرایه‌به‌شی فریاكه‌وتنی شه‌هید هه‌ژار له‌كه‌لار كه‌به‌هۆی هه‌ڵواسینه‌وه‌ گیانی له‌ده‌ستدابوو.
ئه‌وه‌شی خسته‌ڕوو: له‌ئێستادا توێكاری بۆ ته‌رمه‌كان كراوه‌و پۆلیسی گه‌رمیان په‌ڕاوی لێكۆڵینه‌وه‌ی له‌سه‌ر ڕوداوه‌كان كردۆته‌وه‌ ده‌ستیان به‌لێكۆڵینه‌وه‌ كردوه‌ له‌سه‌ر هۆكاروچۆنێتی ڕوداوه‌كان.

1. PUKmedia راگه‌یاندنی پۆلیسی گه‌رمیان