شه‌وێك بۆ پاڵپشتی له‌نه‌خۆشخانه‌ی هیوا

ده‌سته‌ی داكۆكیكاران له‌ نه‌خۆشخانه‌ی هیوا، له‌شاری سلێمانی كه‌مپینێكیان له‌ژێر دروشمی شه‌وێك بۆ پاڵپشتی له‌نه‌خۆشخانه‌ی هیوا ڕاگه‌یاند.

ده‌سته‌ی داكۆكیكاران ئاماژه‌یان بۆ ئه‌وه‌كرد: نه‌خۆشخانه‌ی هیوا ڕوبه‌ڕوی چه‌ندین قه‌یران بوه‌ته‌وه‌ نزیك بوته‌وه‌ له‌وه‌ی كه‌ نه‌توانرێت وه‌ك پێویست چاره‌سه‌ری نه‌خۆشانی شێرپه‌نجه‌ بكات، له‌قۆناغێكی مه‌ترسیدایه‌.

داواشیان له‌ هه‌ردوو حكومه‌تی هه‌رێمی كوردستان و عێراق كرد كه‌ ده‌بێت به‌هه‌موو شێوه‌یه‌ك سه‌رجه‌م گرفت و قه‌یرانه‌كانی نه‌خۆشخانه‌ی هیوا چاره‌سه‌ر بكات و هه‌روه‌ها ئه‌وه‌شیان ڕاگه‌یاند: ئه‌وان بۆماوه‌ی دوو ڕۆژ له‌ناو نه‌خۆشخانه‌كه‌ خێمه‌ هه‌ڵده‌ده‌ن، كۆمه‌ك و هاوكاری بۆ نه‌خۆشانی ناو نه‌خۆشخانه‌كه‌ كۆده‌كه‌نه‌وه‌.

PUKmedia جه‌مال سه‌رگه‌تی