هه‌ڵه‌بجه‌..كتێبی پیرشالیاره‌كانی هه‌ورامان بڵاوكرایه‌وه‌

له‌مه‌راسیمێكدا له‌به‌ڕێوه‌به‌رایه‌تی ڕۆشنبیری هه‌ڵه‌بجه‌ به‌ئاماده‌بوونی قائیمقامی هه‌ڵه‌بجه‌ ونووسه‌ران و ڕۆشنبیرانی پارێزگاكه‌ كتێبی پیرشالیاره‌كانی هه‌ورامان بڵاوكرایه‌وه‌، كتێبه‌كه‌ له‌لایه‌ن ئاكۆ شاوه‌یس هاوارییه‌وه‌ نووسراوه‌ باس له‌مێژووی پیرشالیاره‌كانی هه‌ورامان ده‌كات.

هۆمایۆن ساحیب به‌ PUKmedia ی ڕاگه‌یاند: نووسه‌ری ئه‌م په‌رتووكه‌ هه‌ورامان ویارسانی پێكه‌وه‌ به‌ستوه‌ته‌وه‌ و ئه‌م په‌ڕتووكه‌ كۆمه‌ڵێكی هه‌ڵه‌ی ڕاستكردووه‌ته‌وه‌ كه‌ به‌هه‌ڵه‌ خه‌ڵكی دیكه‌ خۆی كردووه‌ به‌خاوه‌نی ، و مه‌راسیمه‌ لۆكاڵییه‌كانی به‌ستوه‌ته‌وه‌ به‌ یارسانه‌كان و یه‌كێك له‌وانه‌ پیرشالیاره‌.
پیرشالیار به‌ڕابه‌ری دینی ناوچه‌یه‌ك وتراوه‌،پیرپله‌یه‌كی دینیه‌ له‌هه‌رسێ ئاینی زه‌رده‌شتی ومیترایی ویارسانی،ساڵانه‌ له‌هه‌ورامانی ته‌خت مه‌راسیمێكی تایبه‌ت به‌ناوی زه‌ماوه‌ندی پیرشالیار به‌ڕێوه‌ده‌چێت وه‌ك كلتورێكی ڕه‌سه‌نی ناوچه‌كه‌.
PUKmedia هه‌ورامان جه‌لال