}

زێباری لە پەرلەمانیش سەربكەوێت دادگای فیدراڵ رەتیدەكاتەوە

عیراق 08:17 PM - 2022-01-27

ئەندامێكی ئەنجومەنی نوێنەران رایدەگەیەنێت رێكەوتنی سیاسی و بەرژەوەندی لایەنەكان،  نابێتەهۆی سەرخستنی كەسێك بۆسەرۆك كۆمار کە لە گەندەڵی تێوەگڵابێت‌و دۆسیەكەی پاك نەبێت، ئاماژەبەوەشدەكات لەپرسە چارەنوسسازەكان، دادگای فیدراڵ بڕیاری یەكلاكەرەوە لە بابەتە دەستوری و یاساییەكان دەدات، نەوەك پەرلەمان یان هەر دەسەڵاتێكی تری عیراق.

 

د. گەیلان قادر ئەندامی ئەنجومەنی نوێنەرانی عیراق بە PUKmedia ی راگەیاند: بە گوێرەی بڕگەی سێیەم و چوارەمی مادەی 68ی دەستوری عیراق،  ئەو كەسەی خۆی بۆ پۆستی سەرۆككۆمار كاندید، جگە لە چەند مەرجێك لەرووی رەگەزنامە و تەمەن، هاوكات نابێت ئەوکەسە هیچ تۆمەتێكی گەندەڵی لە دەستەی دادگاو دەستپاكی و لێپرسینەوەو دادپەروەری لەسەربێت.

 

وتیشی: لەكاتێكدا ئەگەر کاندیدێکی سەرۆککۆمار لە گەندەڵی تێوەگڵابێت و بە رێكەوتنی سیاسی و لەسەر بنەمای بەژەوەندی لایەنە سیاسیەكان  لە ئەنجومەنی نوێنەران دەنگ بهێنێت و سەربکەوێت بۆ ئەو سەربكەوێت، ئەوكاتە لایەنی ناڕازی بۆیان هەیە تانە لە دەنگدانەكەی پەرلەمان بدەن و سكاڵای خۆیان بە بەڵگەكانەوە پێشكەش بە دادگای فیدراڵ بكەن.

 

روونیشیكردەوە: دادگای فیدراڵ  رێگا بە هیچ بڕیارێكی نادەستور و نایاسایی نادات تێپەری بەڵكو  رەتیدەكاتەوە، بۆیە ئەگەر كەسێك لەگەندەڵی یان هەر تاوانێكی تر تێوەگڵابێت و سەربكەوێت بۆ سەرۆكایەتی كۆمار، ئەوا لە دادگا رزگاری نابێت و  دەنگدانەكەی پەرلەمان بۆ ئەو كەسە رەتدەكرێتەوە.

 

هەرلەبارەی هەڵبژاردنی سەرۆک کۆمار ئەمڕۆ پێنجشمە لەلایەن پەرلەمانی عیراقەوە رۆژی7ی مانگی داهاتووی وەک دووەم کۆبونەوەی خۆی و هەڵبژاردنی سەرۆک کۆمار دیاریکرا.

PUKmedia تەها عەبدوڵڵا

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket