هەولێر.. ئۆتۆمبێلی بوك و زاوا كۆنترۆڵی لەدەستدا

بەهۆی دەربڕینی خۆشییەوە ئۆتۆمبێلێكی بوك و زاوا لە هەولێر، خۆی بە دوو ئۆتۆمبێلی دیكەدا كێشا.

فازل حاجی وتەبێژی بەڕێوەبەرایەتی هاتوچۆی هەولێر رایگەیاند: ئێوارەی ئەمڕۆ25-1-2022، لەسەر رێگەی هەولێر بەحركە، پاش ئەوەی ئۆتۆمبێلێك كە بۆ دەربڕینی خۆشی لە ئۆتۆمبێلی بوك و زاوا نزیك بووبوەوە، خۆی بە دواوەی ئۆتۆمبێلی بوك و زاوادا كێشا و لە ئەنجامدا ئۆتۆمبێلەكە كۆنترۆڵی لەدەستدا و خۆی بە دوو ئۆتۆمبێلی دیكەدا كێشا.

راشیگەیاند: لە رووداوەكەدا زیانی ماددی زۆر كەوتەوە، بەڵام خۆشبەختانە هیچ زیانێكی گیانی نەبووە.

PUKmedia راگەیاندنی هاتوچۆی هەولێر