حەسەكە.. 300 تیرۆرست خۆیان رادەست دەكەن

لەمیانەی رووداوی پەلاماری زیندانی گوێران لە حەسەكە، كێوماڵكردنی شارەكە بەردەوامە و 300 تیرۆرستی داعش كەلەزیندانەكە هەڵاتبوون خۆیان رادەستكرد.
شیمار حیمۆ چالاكوانی سیاسی لەرۆژئاوای كوردستان بۆ PUKmedia ووتی: ماوەی زیاتر لە سێ رۆژ رووداوی پەلاماری زیندانی گوێران، شەڕ لەكۆڵانەكانی حەسەكە بەردەوامی هەیە و دۆخەكە بەرەو كۆنتڕۆڵی تەواوەتی دەچێت لەلایەن هێزەكانی سوپای سوریای دیموكرات.
وتیشی: ئێوارەی ئەمڕۆ 300 تیرۆرستی داعش كەهەڵاتبوون خۆیان رادەستی هێزە ئەمنیەكان كردوە.
جەختیكردەوە: هاوكات لەماوەی ئەو سێ رۆژەدا زیاتر لە 160 تیرۆرست كوژراون كە سەركردەو گەورە تیرۆرستی داعشیان تێدایە.
ئەو چالاكوانە ئەوەشی وت: ژمارەیەكی زۆر لەو تیرۆرستانەی لەناو زیندانەكە بوون و لەگەڵ ئەو 300 تیرۆرستەی خۆیان رادەستكردوە بەرەو شوێنێكی تر گواستراونەتەوە.
PUKmedia سامان یاروەیس