هه‌ڵه‌بجه‌.. تیمه‌كانی شاره‌وانی ده‌خرێنه‌ حاڵه‌تی ئاماده‌باشییه‌وه‌

به‌هۆی ئه‌و شه‌پۆله‌ باران بارینه‌ی رووی له‌ ناوچه‌كه‌ كردووه‌، سه‌رجه‌م تیمه‌كانی شاره‌وانی هه‌ڵه‌بجه‌ خراونه‌ته‌ حاڵه‌تی ئاماده‌باشییه‌وه‌ .

كوێستان ئه‌كره‌م سه‌روكی شاره‌وانی هه‌ڵه‌بجه‌ به‌ PUKmedia ی راگه‌یاند؛ به‌هۆی ئه‌و شه‌پۆله‌ باران بارینه‌ی كه‌ ڕووی له‌ هه‌رێمی كوردستان به‌ گشتی و پارێزگای هه‌ڵه‌بجه‌ كردووه‌، سه‌رجه‌م تیمه‌كانی شاره‌وانی و به‌رگری و شارستانی دامه‌زراوه‌ خزمه‌تگوزاریه‌كان له‌پارێزگای هه‌ڵه‌بجه‌، خراوه‌نه‌ته‌ حاڵه‌تی ئاماده‌باشییه‌وه‌. 

سه‌رۆكی شاره‌وانی هه‌ڵه‌بجه‌ ر‌اشیگه‌یاند؛ ژماره‌كانی په‌یوه‌ندی كردنمان له‌ په‌یجه‌كانی پارێزگا و سه‌رۆكایه‌تی شاره‌وانی و به‌رگری و شارستانی بڵاو كراونه‌ته‌وه‌، هه‌ر هاووڵاتییه‌ك پێویستی به‌ تیمه‌كان بێت، ده‌ست به‌جێ ده‌گه‌ینه‌ لایان .

PUKmedia فه‌رحان حه‌مه‌خان/ هه‌ڵه‌بجه‌