فەرەنسا بۆ رێگریکردن لە کۆچبەران کۆدەبێتەوە
جیهان 05:30 PM - 2021-11-29
چوار ڕۆژ دوای خنکانی 27 کۆچبەر کە زۆربەیان کوردبوون لە دەریایی باکوری نێوان فەرەنساو بەریتانیا ، لەسەر داوای وەزیری ناوخۆی فەرەنسا ڕۆژی شەممە 27 ی نۆڤەمبەر کۆبونەوەیەک بەڕێوەچو لە ناوچەی ( پاد وکاڵێ ) کە ئەکەوێتە سەر رۆخی دەریایی نێوان بەریتانیا و فەرەنسا ، مەبەست لەم کۆبونەوەیە دۆزینەوەی میکانیزمێکی هاوبەشبوو بۆ ڕێگاگرتن لە پەڕینەوەی کۆچبەران لە لایەک و ئاشکراکردن و دەستگیریکردنی تۆڕە قاچاخچیەکان لەسەر ئەو کەناری دەرییایە لەلایەکی ترەوە.
وەزیری ناوخۆی فەرەنسا ، گیرالد دەرمانن و وەزیری کارووباری کۆچبەران و پەناهەندانی ئەڵمانیا و بەلجیکا و هۆڵاندا و هەروەها بە بەشدار بونی کۆمیسێری ئەورووپا بۆ کارووباری ناخۆ و بەڕێوەبەری ئاژانسی پۆلیسی ئەورووپا بۆ چاودێری سنورەکان ئامادەی ئەو کۆبوونەوەیە بوون ، جگە لە وەزیری ناوخۆی بەریتانیا کە فەرەنسا بانگەشەی نەکردبوو .
لەم کۆبونەوەیەدا زنجیرەیەک پێشنیار بۆ چارەسەری کۆچبەران و پەڕینەوەیان بۆ بەریتانیا تاوتوێکرا .
کێشەی کۆچبەران و هەوڵی پەڕینەوەیان بۆ بەریتانیا لە ساڵی 2018 وە دەستیپێکردووە ، بەڵام ئەم ساڵ کێشەکان تەقیەوە و ڕۆژبەڕۆژ ژمارەی کۆچبەران لە هەڵکشاندایە بۆ پەڕینەوە ، تا ئێستا 26 هەزار کۆچبەر گەیشتونەتە بەریتانیا .
وەزیری ناوخۆی فەرەنسا ، ڕایگەیاند ( تەوەری گرنگی ئەم کۆبوونەوەیە هەوڵ و تێکۆشانمانە دژی ئەو قاچاخچیانەیە کە لەسەر سنورەکانمان یاریئەکەن ) هەروەها ووتی ( کێشەکە کێشەی ئەورووپا و بەریتانیایە ، دیاردەی کۆچبەران و هەوڵی پەڕینەوەیان لە هەڵکشاندایە ، بەتایبەتی لەو کاتەوەی بەریتانیا لە یەکیەتی ئەورووپا چۆتەدەرەوە )
لە ڕاگەیاندنێکی هاوبەشی بەشداربوانی ئەو کۆبونەوەیە بۆ ڕاگرتنی پەڕینەوە لە دەریایی باکور بۆ بەریتانیا و بە مەبەستی هەوڵی هاوبەش بۆ دەستگیرکردنی تۆڕی قاچاخچیەکان و دووبارەنەبونەوەی کارەساتی خنکاندن ،، برێتیبوون لەم خاڵانەی خوارەوە،،
یەکەم /لە ڕۆژی چوارشەممەی داهاتوەوە ، 1 ی کانوونی یەکەمەوە ، ئاژانسی پاسەوانی سنورەکانی ئەورووپا ، فرۆکەیەک بەکارئەهێنێت بۆ چاودێری کەناریدەریاکانی سنوری نێوان بەریتانیا و فەرەنسا ، ئەم فرۆکەیە بەشەو بەڕۆژ و بە بەردەوامی دەستبەکار دەبێت ، بۆ ئاشکراکردنی تۆڕی قاچاخچیەکان لە پەڕینەوەی کۆچبەراندا .
دووهەم / هەموو بەشداربوان لەسەر ئەوە هاوبیربون کە هەوڵەکان بەردەوام بێت بۆ پتەوکردنی هاوکاری و هەمەئاهەنگی لەگەڵ بەریتانیا ، هەرچەندە بەریتانیا لەو کۆبونەوەیەدا بەشدار نەبوو بەڵام وەزیری ناوخۆی فەرەنسا ڕایگەیاند کە ئامادەیە لەگەڵ وەزیری ناوخۆی بەریتانیدا گفتوگۆبکات سەبارەت بە دۆزینەوەی چارەسەرێک بۆ کێشەی پەڕینەوەی کۆچبەران و چاودێری و ئاشکراکردنی تۆڕی قاچاخچیەکان لەسەر کەناری دەریای نێوانیان .
سێهەم / تێکڕای بەشداری بوان هاوبیربوون لە پتەوکردنی هەوڵەکانیان بۆ دۆزینەوەی ئەو قاچاخچیانەی لەسەر رۆخی دەریای باکوور بەردەوامن بە دەستبڕینی کۆچبەران و یاریکردن بە ژیانی پیاو و ژن و مناڵەوە و رێگای مەرگیان بۆ دائەڕێژن .
چوارهەم / گرنگی پەیوەندی و هەمەئاهەنگی هێزی پۆلیس و دەزگا زانیاریەکان بە مەبەستی کاری هاوبەش و بەهێزکردنی پەیوەندی و ئاڵوگۆڕکردنی زانیاری هاوبەش بۆ رێگاگرتن لە قاچاخچیەکان .
پەیوەندی نێوان بەریتانیا و فەرەنسا
ماوەیەکە پەیوەندی نێوان فەرەنسا و بەریتانیا تێکچووە و لەدوای ڕووداوی خنکانی ئەو 27 کۆچبەرەش ، پەیوەندیان تابێت زیاتر ئاڵۆزتر ئەبێت .
بەپێی یاساکانی نێودەوڵەتی فەرەنسا بۆی نیە ڕێگا لە کۆچبەران بگرێت گەر ئارەزویان بێت بچنە ووڵاتێکی تر ، بەهەمان شێوە فەرەنسا بۆی نیە ڕێگا لە کۆچبەران بگرێت بۆ پەڕینەوە بۆ بەریتانیا ، هەروەها بەریتانیاش یاسا ڕێگای پێنادات کە کۆچبەران بگەڕێنێتەوە بۆ ئەو شوێنەی لێوەی هاتوون ، کێشەکان لێرەوە دەستپێئەکات ، ئەوەی کە فەڕەنسای نیگەران کردوە ئەوەیە کە سەرۆک وەزیرانی بەریتانیا لە تۆڕی تییوتەری تایبەتی خۆیدا ڕایگەیاندوە ، ( کاتێک ئێمە کۆچبەران وەرناگرین و ئەیان گەڕینینەوە ، ئەبێت فەرەنسا وەریانگرێت ) ئەم راگەیاندنەی بۆریس جۆنسۆن بوە هۆی نیگەرانی سەرۆک ئیمانیول ماکرۆن ، لە وەڵامێکدا بۆ جۆنسۆن ووتی ، ئەو مێتۆدەی بۆریس جۆنسۆن میتۆدێکی نا لێپرسیارییەتیە، هەروەها وەزیری ناخۆش لەلایخۆیەوە رایگەیاند کە تووشی نایومێدی بوە لەگەڵ دەسەڵاتدارانی بەریتانیا .
لەندەنیش لای خۆیەوە لەماوەی دووڕۆژی ڕابوردوەوە لەهەوڵی هێوردکردنەوەی گرژیەکانن لەگەڵ پاریسدا ، بۆریس جۆنسۆن لە ڕاگەیاندنەکاندا ئەڵێت ( بەریتانیا هەموو ئەو هەوڵانەی فەرەنسا پێئەزانێت ، بەڵام ئەم کێشەو بەرەوڕوبونەوەیە هاوبەشە لە نێوانماندا ) هەروەها وەزیری ناخۆی بەریتانیا ڕایگەیاند کە بە نیازە کۆبونەوەیەک لەگەڵ وەزیرە هاوپیشەکانی ئەورووپادا رێکبخات لە هەفتەی داهاتوودا ، هەروەها ڕایگەیاند کە خنکانی ئەو 27 کۆچبەرە ناچارمان ئەکات کە پێکەوە کاربکەین و پێکەوە هەوڵی چارەسەرێکی هاوبەشبین ، وەزیری تەندروستی بەریتانیاش لە ڕاگەیاندێکیدا ئەڵێت ،، لەکاتێکدا ئێمە سەرقاڵی گلەیی و توانجگرتین لە یەکتری ، مناڵان لەدەریاکانماندا ئەخنکێن .
ڕۆژی شەممەی ڕابووردو ، جێگری سەرۆکی کۆمیسییونی ئەورووپا ،مارگەریتیز سشیناس دوای گەڕانەوەی لە لەندەن ،، پێی وایە کە بەریتانیا بڕیاڕی چونەدەرەوەی لە یەکیەتی ئەورووپا داوە ، هەر ئەوانیش پێویستە بڕیاڕی چۆنیەتی خۆ سازکردن بدات بۆ کۆنتڕۆڵی سنورەکانی ، هەروەها ووتی ،،گەر بەبیرمبێت دروشمی سەرەکی بەریتانیا لەکاتی هەوڵەکانی بۆ دەرچوون لە یەکییەتی ئەورووپا ئەوە بوو کە ( ئێمە خۆمان کۆنتڕۆڵی خۆمان وەرئەگرینەوە )
کێشەی بەریتانیا و فەرەنسا ، ماوەی نزیکەی 2 مانگە تێكچوە ، سەرەتا کێشەی ڕاوەماسی نێوان ڕاوکەرانی هەردوولابوو کە تائێستا کەمێک هێووربۆتەوە ، پاشان کێشەی کۆچبەرانیش ئەوەندەیتر کێشەکانی ئاڵۆزتر کردوە ، بەتایبەتی دوای خنکانی ئەو 27 کۆچبەرە لە پێش چواڕۆژی ڕابوردوودا .
PUKmedia حەمە عوسمان
فەرەنسا
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 107 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26 -
لە یادی بۆردومانی هەڵەبجەدا
بیروڕا 11:03 PM - 2024-04-25 -
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25