بەتەمەنترین ژنی جیهان خەڵكی ئێرانە

فاتیمە نەورۆزی تەمەن 122 ساڵان وەك بەتەمەنترین ژنی جیهان دەستنیشان كراوە.

فاتیمە نەورۆزی ساڵی 1899 لە پارێزگای خۆراسان لە ئێران لەدایكبووە و لە تەمەنی 25 ساڵی شووی كردووە و هیچ بەهرەیەكی لە خوێندەواری نەبردووە.

لەئێستادا چاوی كز بووە و گوێچكەی زۆر باش نابیستێت و ڕۆژانە گۆچان بە ڕێدا دەڕوات و بە وتەی خۆی پێنج فەرزەی نوێژ بەجێدێنێت و دەڵێت نەخۆشی دڵ و زەخت و چەوری خوێنی هەیە.

پێشتر كین تاناكای ژاپۆنی كە تەمەنی 118 ساڵان بوو وەك بەتەمەنترین ژنی جیهان دەناسرا، بەڵام لە ئێستادا فاتیمە نەورۆزی بەتەمەنترین ژنی جیهانە.
PUKmedia  ئاژانسەكان