كۆمسیۆن دواواده‌ بۆ تانه‌دان له‌ ئه‌نجامی ھه‌ڵبژاردن ئاشكراده‌كات

كۆمسیۆنی باڵای ھه‌ڵبژاردنه‌كانی عیراق رایده‌گه‌یه‌نێت، رۆژی سێشه‌ممه‌ تانه‌دان له‌ ئه‌نجامی ھه‌ڵبژاردنی ئه‌نجومه‌نی نوێنه‌ران كۆتایی دێت.

كۆمسیۆنی ھه‌ڵبژاردنه‌كانی عیراق رایگه‌یاند، بێلایه‌نانه‌ مامه‌ڵه‌ له‌گه‌ڵ تانه‌كان ده‌كه‌ن و زۆربه‌یان ھیچ كاریگه‌رییه‌كیان له‌سه‌ر ئه‌نجامه‌كان نابێت، جه‌ختیشی كرده‌وه‌ له‌وه‌ی ده‌نگه‌كان به‌ ده‌ستی به‌وپه‌ڕ‌ی شه‌فافیه‌ت ھه‌ژمار كراونه‌ته‌وه‌، بڕ‌یاریشه‌ رۆژی سێشه‌ممه‌ كۆتا واده‌ی پێشكه‌شكردنی تانه‌كان بێت له‌سه‌ر ئه‌نجامه‌كان.

 كۆمسیۆن له‌ 95% ی ژماردنه‌وه‌ی ده‌نگه‌كانی به‌ ده‌ست ته‌واو كردووه‌ و راشیگه‌یاند، كۆی گشتی سكاڵاكان گه‌یشتوونه‌ته‌ 356 سكاڵا.

PUKmedia كۆمسیۆنی باڵای هه‌ڵبژاردنه‌كانی عیراق