باشماخ.. قه‌باره‌ی بازرگانی به‌ ڕێژه‌ی له‌ 167% زیادیكردووه‌

له‌ نیوه‌ی یه‌كه‌می ئه‌مساڵدا له‌ ده‌روازه‌ی نێوده‌وڵه‌تی باشماخه‌وه‌ به‌ به‌ھای زیاتر له‌ سێ ملیار و 726 ملیۆن دۆلار ئاڵۆگۆڕی بازرگانی له‌ نێوان ئێران و ھه‌رێمی كوردستان كراوه‌.

پارێزگاری سنه‌ ڕایگه‌یاند، له‌ نیوه‌ی یه‌كه‌می ئه‌مساڵ، له‌ ده‌روازه‌ی نێوده‌وڵه‌تی باشماخه‌وه‌، ملیۆنێك و 711 ھه‌زار و 154 تۆن كاڵا له‌ نێوان ئێران و ھه‌رێمی كوردستان، كه‌ به‌ھاكه‌ی زیاتر له‌ سێ ملیار و 726 ملیۆن دۆلاره‌ ھه‌نارده‌ و ھاورده‌ كراوه‌.

وتیشی، به‌راورد به‌ ساڵی ڕابردوو، قه‌باره‌ی ئاڵۆگۆڕی بازرگانی له‌ نێوان ئێران و ھه‌رێم، له‌ ده‌روازه‌ی نێوده‌وڵه‌تی باشماخ به‌ ڕێژه‌ی له‌ 167% زیادیكردووه‌.

PUKmedia