}

خاتوو شاناز: ئێمەی ژنان بەیەكەوە بەهێزترین

کوردستان 07:12 PM - 2021-10-06

تا دێت بازنەی پشتیوانییەكان لەهاوپەیمانێتی كوردستان بەرفراوانتر دەبێت، بۆ ئەو مەبەستەش دوانیوەڕۆی ئەمڕۆ چوارشەممە 6-10-2021، خاتوو شاناز ئیبراهیم ئەحمەد كارگێڕی مەكتەبی سیاسی و سەرپەرشتیاری مەڵبەندی 1ی رێكخستنی سلێمانی یەكێتیی نیشتمانیی كوردستان لەگەڵ ژمارەیەك لەكچان و ژنانی رێكخستنەكانی یەكێتیدا كۆبۆوە.

لەو كۆبوونەوەیەدا سەرپەرشتیاری مەڵبەندی رێكخستنی سلێمانی رایگەیاند: هەر لەڕوانگەی بۆچوونەكانی مامی گەورەوە، مامی پشتیوانی ژنان و بەدەستهێنانی مافەكانمان، ئێمە دەبێ پشت و پەنای یەكتربین.

وتیشی: زۆر كەس باسیان لەوە دەكرد ئەوەتەی من هاتوم لەگەڵ ژنان كۆنەبوومەتەوە، من دەڵێم ژنان بڕیاردەرن بۆیە دەبێ كۆتاجار لەگەڵ ژنان كۆببمەوە.

خاتوو شاناز ئیبراهیم ئەحمەد وتیشی: خۆتان دەزانن بەرپرسی هەموو میحوەرەكان پیاوانن، بەڵام میحوەری سلێمانی بۆ بانگەشەی هەڵبژاردن، میحوەری شاری شاران، من بەرپرسیم كەدڵنیام بەپشتیوانی ئێوە و هەمووان بەیەكەوە دەتوانین ئەم هەڵبژاردنە، ئەم ئەركە گرنگە بەجێ بگەیەنین و زۆرترین كاندیدی هاوپەیمانی سەربخەین بۆ ئەنجومەنی نوێنەرانی عیراق.

خاتوو شاناز ئیبراهیم ئەحمەد بەژنان و كچانی سلێمانی وت نابێ هیچ كەسێك لەئێوە رێگەبدات كە بایكۆتی دەنگدان بكرێت، داواشیكرد هانی خزم و كەسوكاریان بدەن تا بەشداری لەپڕۆسەی هەڵبژاردن بكەن و دەنگ بدەنە كاندیدەكانی هاوپەیمانی كوردستان، هەروەك دروشمەكەمان ئەمجارە كەبەیەكەوە بەهێزترین، دەڵێین ئێمەی ژنانیش بەیەكەوە بەهێزترین پاڵپشت و پشت و پەنای یەكترین، با پێكەوە كاربكەین بۆ سەرخستنی هاوپەیمانی كوردستان.

PUKmedia تایبەت



ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket