}

خاتو شاناز بۆ كچانی وەرزشكار: سەربەرزم پێتان بۆ ئاستەنگەكان كۆڵتان نەداوە

هەمەڕەنگ 10:21 PM - 2021-09-23

ئەمڕۆ 23ی ئەیلول، خاتو شاناز ئیبراهیم ئەحمەد ئەندامی دەستەی كارگێڕی مەكتەبی سیاسی و سەرپەرشتیاری مەڵبەندی 1ی رێكخستنی سلێمانی یەكێتیی نیشتمانیی كوردستان، لەدوو دیداری جیادا، لەگەڵ گروپی چالاكییە وەرزشییەكانی ژنان و كچانی شاری سلێمانی و یانەی وەرزشی پیرەمەگرون كۆبووەوە.

لەو دیدارانەدا، خاتو شاناز ئیبراهیم ئەحمەد لەگەڵ دەربڕینی خۆشحاڵی بەبینین و دیداری لەگەڵ وەرزشكارەكان لە بوار و جۆری جیاجیادا، وتی: جێگەی شانازییە كە ئێوەی ژنان و كچان لەم بوارە گرنگەدا توانا و لێهاتوویی خۆتان سەلماندوە و بونەتە خاوەنی چەندین نازناو و براوەی پاڵەوانێتییەكان، لێرەوە دەستخۆشیتان لێدەكەم و بەڕاستی سەربەرزم پێتان، كە سەرەڕای ئاستەنگەكان كۆڵتان نەداوە و پێتان دەڵێم پشتیوانتان دەبین و بەدواداچوون بۆ چارەسەری كێشەكانتان دەكەین.

دواتریش، خاتو شاناز، لە نزیكەوە گوێی بۆ كێشە و داواكارییەكانیان گرت، هاوكات پشتگیری خۆی بۆ چارەسەری كێشە و داواكارییەكانیان دووپاتكردەوە، وتیشی: لەمەولا ئیتر ئێوە بێ‌ كەس نابن و پشت و پشتیوانتان دەبم، هەرچییەكمان لەدەست بێت بۆ پێشخستنی بەهرەكانتان و تۆماركردنی سەركەوتنی زیاتر لەسەر دەستی ئێوە و بەدەستهێنانی نازناوی زیاتر بۆ خۆتان و شارەكەتان دەیكەین، ئێوەش بەردەوام بن.

 هەر لەمیانەی دیدارەكەیدا لەگەڵ یانەی وەرزشی پیرەمەگرون، خاتو شاناز پیرۆزبایی لێكردن كە توانیویانە لە فوتساڵی كچان لەسەر ئاستی هەرێم پلەی نایاب بەدەستبهێنن و لەبەرامبەر ئەم سەركەوتنەشیاندا خەڵاتی تایبەتی پێدان، هانیشیدان بۆ پێشخستنی تواناكانیان و سەركەوتنی زیاتر.

لای خۆیانەوە، وەرزشكاران سوپاسگوزاری خۆیان بۆ پشتیوانی و بەدەنگەوەچوونەكانی خاتوو شاناز دەربڕی و رایانگەیاند: وەكچۆن توانیوتانە لە سێكتەر و بوارەكانی دیكەدا خزمەت پێشكەش بكەن، داواكارین لەسەر دەستی ئێوەی خەمخۆر ئاوڕی جدی لەبواری وەرزش و بەتایبەت وەرزشكارانی ژنان و كچان بدرێتەوە.

 

PUKmedia

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket