باڵوێزی گه‌نجان و ژنانی نێوده‌وڵه‌تی عه‌ره‌بی خه‌ڵاتی جێگری سه‌رۆكی هه‌رێم ده‌كات

ئه‌مڕۆ 5شه‌ممه‌ شێخ جه‌عفه‌ر شێخ مسته‌فا جێگری سه‌رۆكی هه‌رێم له‌سلێمانی پێشوازی كرد له‌دكتۆر ئه‌مه‌ل كه‌حله‌ سه‌رۆكی دامه‌زراوه‌ی باڵوێزی گه‌نجان و ژنانی نێوده‌وڵه‌تی عه‌ره‌بی و ڕوناكبیرو كه‌سایه‌تی دیاری میسر، هه‌روه‌ها ئه‌ندازیار هادی عه‌زاوی به‌ڕێوه‌به‌ری دامه‌زراوی هیوا بۆ ڕێكخستنی خوێندنی كاروباری لقی به‌غدا .

مه‌به‌ست له‌ سه‌ردانه‌كه‌ش بۆ زیاتر په‌ره‌پیدانی توانای گه‌نجان و ژنانی عیراق و كوردستان بوو له‌گشت بواره‌ جیا جیاكان، هه‌روه‌ها له‌لایه‌ن میوانانه‌وه‌ خه‌ڵاتی ڕێزلێنان به‌خشرایه‌ شێخ جه‌عفه‌ر شێخ مسته‌فا.

PUKmedia تایبه‌ت