ماڵی مام چەتری کۆکەرەوە و شوێنی بریاردان

لەتیف نێروەیی

سلێمانی لە دیداری ماڵی مام جەلال و کۆبوونەوەی هاوبەشی سەرۆک بافڵ تاڵەبانی و تۆم باراک و مەزڵوم عەبدی زیاد لە ئاماژە و پەیامێکی تێدایە، بەسەرێکدا پێگەی یەکێتی لە پشتیوانی سیاسی و دیپلۆماتی بۆ سەرخستن و هێشتنەوەی ڕۆژئاڤا دووپات دەکاتەوە ، بەسەرێکی دیکەشدا دەیسەلمێنێ، سلێمانی و دەباشان چەقی دیپلۆماسیەتی نەرم و هێمن و لەسەرەخۆیە و هەنگاوە چارەسەرەکان خێراتر دەکات، چونکە بە شێنەیی و دوور لە هوتاف و بانگەشەی میدیایی بۆ ئامانجە باڵا نەتەوەییەکان کاردەکات و بە چەکی ئاشتی و چارەسەر دەجەنگێ.

ئامادەبوونی بەڕێز تۆم باراک لە سلێمانی و دیداری لەگەڵ سەرۆک بافڵ تاڵەبانی، ئاماژەی ڕوونی ڕۆڵ و حیکمەتی سەرۆکە گەنجەکەی یەکێتیە لەسەر ئاستە کوردستانیی و عیراقی و ناوچەکە بۆ کردنەوەی گرێکوێرەکانی ناکۆکی و بەریەککەوتنە سیاسیەکان، لەمەشدا نێردەی سەرۆکی ئەمەریکا نەک هەر خۆی، بەڵکو فیگەرێکی دیکەی ڕۆژهەڵاتی ناوەڕاست و ڕەمزێکی ڕوبەڕوونەوەی تیرۆر و  خەمخورێکی دۆزی رەوای گەلەکەی (مەزڵوم عەبدی)ش ئامادەیە، ئەمەش بەڵگەیەکی ترە لەوەی یەکێتی و سەرۆک بافڵ وەک چۆن هاوبەشێکی سەرەکی و ڕاستەقینەی جەنگ بووە لەدژی تیرۆر و توندڕەوی، لە ئێستاشدا کارەکتەرێکی سەرەکییە لە چارەسەرکردنی کێشەکاندا یەکێک لەو کێشانە رۆژئاوای کوردستانە .

بوونی جەنەڕاڵ مەزڵوم لە سلێمانی، شتێکی نوێ نیە، چونکە لە ڕۆژگاری بەهاری عەرەبیەوە یەکێتی هەر چاو و دڵ و دەستی لە ڕۆژئاڤا بووە و بە هەموو ڕێگاکان سیاسەتی یەک ماڵی لەبەرامبەریان بەکارهێناوە، هەروەک چۆن لە خۆپیشاندان و چالاکیە جەماوەرییەکانی ئەم دواییەش هێزی پشتیوانی بووە و بۆ هەمووانی سەلماندووە، سلێمانی وانەی یەکخستنەوەی نەتەوەی کوردی بە دنیا ناساندەوە، سەبارەت بە ئەنجامی کۆبوونەوە سێ قوڵییەکەش پێویست بە هیچ روونکردنەوە ناکات چونکە وێنەکان و خەندەی سەر لێوی بەشداوبووان هەموو شتێکمان پێ دەڵێن.

PUKMEDIA