Amerîka, Îsraîl û Lubnanê tekez li ser yekparçebûnê dikin

PUKMEDIA

Alayên Îran û Amerîka û Îsraîlê

Amerîka, Îsraîl û Lubnan di daxuyaniyeke hevpar de tekeziyê li ser yekparçeyiya Lubnanê dikin û tê pêşniyarkirin ku bi çavdêriya Amerîkayê peymaneke aştiyê bê îmzekirin.

Nade Hemede, Balyoza Lubnanê li Amerîkayê û Yehiel Leiter Balyozê Îsraîlê li Amerîkayê, bi navbeynkariya Marco Rubio, Wezîrê Derve yê Amerîkayê, li Washingtonê civiyan û piştre daxuyaniyeke hevpar a sêalî belav kirin.
Li gorî daxuyaniyê, her sê welat tekeziyê li ser yekparçeyiya ax û serweriya Lubnanê dikin û Îsraîl jî tê pabendkirin ku ji bo bêçekkirina Hizbullahê bi hikûmeta Lubnanê re hevahengiyê bike.

Hevdem, Lubnanê daxwaz kiriye ku ji bo çareserkirina qeyranên mirovî gavên pratîkî bêne avêtin, Îsraîlê jî amadehiya xwe ji bo aştiyeke mayînde nîşan daye ku ewlehî û aramiya herêmê bihêz bike.

Ji aliyekî din ve, Amerîkayê piştgiriya xwe ji bo Lubnanê nîşan daye da ku dawî li ezmûna Îranê bê, çek vegere destê dewletê û binesaziya komên çekdar li Lubnanê bê hilweşandin.
Her wiha hat gotin ku divê her peymaneke agirbestê ya di navbera Lubnan û Îsraîlê de di bin çavdêriya Amerîkayê de be, da ku aştî û aramî jê peyda bibe.

PUKMEDIA