Silêmanî mêvandariya Foruma Delfî dike

PUKMEDIA

Dîmenek ji kongreyarojnamevaniyê

Tê çavrêkirin ku Silêmanî ji bo sala duyemîn mêvandariya Foruma Delfî bike û bi vê boneyê, damezrîner û rêveberê forumê dibêje: Emê berdewam in û ji bo veguherandina wê bo saziyek herdemî kar bikin.

Damezrîner û rêveberê Foruma Delphi, Simon Simeonides, piştrast kir ku ev forûm dê ji bo sala duyemîn li pey hev li Silêmaniyê were lidarxistin, û destnîşan kir ku berpirs dixwazin wê li bajêr birêxistin bikin û ji bo veguherandina wê bo saziyek herdemî kar bikin.

Simeonides di kongreyeke rojnamevaniyê de li Silêmaniyê ragihand ku forumê bernameyeke du rojî ya mijûl amade kiriye ku têde gotûbêjên li ser rewşa Jeopolîtîk li Rojhilata Navîn, rola Herêma Kurdistanê wekî faktorekî aramiyê li herêmê, û her weha gotûbêjên li ser mijarên aborî û pêşkeftinê û derfetên veberhênanê hene.

Di berdewamiya axaftina xwe de got:Forumê hejmarek kesayetiyên girîng ji Ewropa kişandiye, û destnîşan kir ku gotûbêj dê li ser rêbazên zêdekirina rola Kurdistanê di warên bazirganî û siyasetê de li ser asta herêmî û navneteweyî bê kirin.

Simeonides pesna Qubad Talebanî da ji bo piştgiriya wî ya ji bo serkeftina forumê, û wî wekî destpêker û piştgirê sereke yê sazûmankirina vê çalakiyê bi nav kir.

Her weha xwesteka forumê ji bo xurtkirina peywendiyên digel bi Kurdistanê û berfirehkirina warên hevkariya siyasî û aborî anî ziman û  tekez kir ku Silêmanî bajarekî dîrokî ye ku ji bo sazûmankirina forumê girîngiyek taybetî heye, û e ê di salên pêş de jî vê çalakiyê li wir li dar bixin.

PUKMEDIA