Tehran û Washington ragirtina şer gotûbêj dikin

Medya

Alayên Îran û Amerîka

Serokwezîrê Pakistanê ji serokê Amerîka xwestiye ku dema diyarkirî ya wî du hefteyên din dirêj bike, li hember vê yekê, divê Îran Tengava Hurmuzê ji bo heman heyamê veke, û her du alî jî li ser daxwaza Pakistanê gotûbêj dikin.

Serokwezîrê Pakistanê Şehbaz Şerîf, ku welatê wî navbeynkarê sereke di navbera Amerîka û Îranê de ye,li ser X Network nivîsand, Hewldanên dîplomatîk ji bo bidawîkirina aştiyane ya şerê li Rojhilata Navîn bi sebir, hêz û bandorbûnê pêşve diçin.

Serokwezîrê Pakistanê ji Serokê Amerîka Donald Trump xwest ku dema dawî ya ji bo dorpêçên li dijî Îranê du hefteyên din dirêj bike.

Hevdem daxwaz ji Îranê kir ku ji bo heman heyamê Tengava Hurmuzê veke.

Ji aliyekî din ve, malpera Axios ragihand ku berpirsên Amerîkî pêşniyara Pakistanê pêşkêşî Trump kirine û niha ji hêla serokê Amerîkayê ve tê gotûbêjkirin.

Derbarê bersiva Îranê de jî, berpirsekî Îranî ji Reuters re wiha got: Tehranê daxwaza Pakistanê ya ji bo agirbesteke du hefteyan bi erênî nirxand.

PUKMEDIA