Graham bo revenda Kurdî:Lobiyê ji bo Yasaya Parastina Kurdan bikin

Kurdsatsat

Civîna Lindsay Graham digel revenda Kurd

Senatorê Amerîkî Lindsey Graham bang li revenda Kurdî kir ku ji bo Yasaya Parastina Kurdan lobiyê bikin û wê ji endamên din yên Kongreyê û senatoran re bidin nasîn daku dengên pêwîst bistînin.

Senatorê Amerîkî Lindsey Graham bi revenda Kurdî ya li yên Amerîkayê re civînek taybet li dar xist daku li ser projeyasaya nû ya parastina Kurdan û pêşeroja têkiliyên di navbera Amerîkayê û netewa Kurd de gotûbêj bike.

Graham behsa rola qehremanî ya hêzên Kurdî di têkbirina DAIŞê de kir.

Her weha amaje bi wê yekê kir ku,Kurd yekem hêz bûn ku bi dilsozî derketin û bi qurbanîdana xwe bûn sedema mirina herî kêm leşkerên Amerîkî.

Senatorê Amerîkî tekez kir ku proje yasaya nû ya li Kongresê dê garantiyek yasayî be ji bo parastina Kurd û pêşîgirtina li her êrîşeke biyanî û rawestandina li hember gefan.

Di dawiyê de, Lindsey Graham, senatorê navdar yê Amerîkî, ragihand ku erka Kurdên ku li Amerîkayê dijîn ku ji bo vê yasayê lobiyê bikin û endamên din yên Kongreyê û senatoran bi vê pêşnûmeyê bidin nasîn daku dengên pêwîst bistînin.

PUKMEDIA