Wezareta Pêşmerge: Di du êrîşan de sê Pêşmerge birîndar bûn

Wezareta Pêşmerge

Logoya Wezareta Pêşmerge

Wezareta Pêşmerge ragihand ku îro di êrîşeke bi droneyan de li ser du baregehên yekîneyên Pêşmerge li parêzgehên Hewlêr û Silêmaniyê, sê Pêşmerge birîndar bûn.

Wezareta Pêşmerge di daxuyaniyekê de aşkere kir ku ev êrîş di demekê de pêk tê ku baregehên hêzên Pêşmerge berê çend caran hatine bombebarankirin.

 Di beşek din ya daxuyaniyê de, Wezareta Pêşmerge van kiryarên terorîstî bi tundî şermezar dike û bang li fermandarê giştî yê hêzên çekdar yên Îraqê dike ku erkê xwe yê yasayî bicîh bîne û dawî li van tundûtûjiyên navmalî bîne.

PUKMEDIA