Îmad Ehmed: Hewlên YNKê ji bo anîna aştiyê li herêmê ye

PUKMEDIA

Îmad Ehmed, Berpirsê Mekteba Ragihandin û Hişyariyê

Îmad Ehmed ragihand ku YNK her tim alîgirê aştiyê bûye û em hemû hewlên x we didin daku aştiyê bînin herêmê û divê pirsgirêk bi diyalog û têgihîştinê werin çareserkirin.

Îmad Ehmed, Berpirsê Mekteba Ragihandin û Hişyarî ya Yekîtiya Niştimanî ya Kurdistanê (YNK) di dema beşdarîkirina di pirsa sersaxî ya Rêberê berê yê Îranê Elî Xamineyî li Silêmaniyê di kongreyeke ojnamevaniyê de bersiva pirsên rojnamevanan da û ragihand ku,em tu carî bi şer re nebûne û me tu carî nexwestiye ku ew mezintir bibe,weke YNK, em her tim li aliyê başiyê bûne.

Got jî: Divê pirsgirêkên di navbera Herêma Kurdistanê û Bexdayê de bi rêya destûr, civînan û diyalogê werin çareserkirin.
Tundûtûjî û axaftina bêberpirsiyar pirsgirêkan çareser nakin, wek herêmekê, me hewl da ku nebin beşek ji şer, berevajî vê, me hewl da ku bibin beşek ji aştiyê da ku gelê xwe biparêzin, Îraq jî Îraqeke demokratîk e û ya her kesî ye, em wekî Kurd ji bo aştiya herêmê di hilweşandina rejîma Beisê de beşdar bûn, û em hîn jî alîgirê aştiyê ne.

Îmad Ehmed ragihand ku Herêma Kurdistanê ji bo aştiyê li herêmê xwedî hebûneke cidî ye û em naxwazin çi alî hewl bide agirê şer pêxe, her weha serkirdayetiya Kurd jî xwedî şarezaiya birêvebirina van pirsgirêk û nakokiyan e û emê nebin beşek ji aloziyên li herêmê.

PUKMEDIA