Îraqê ji ber şerê Amerîka-Îsraîlê li dijî Îranê ziyanek mezin dîtiye

PUKMEDIA

Alên Îsraîl- Îran- Amerîka û serbazên cengê

Îraq di şerê berdewam yê Amerîka-Îsraîlê de bi Îranê re herî zêde zirar dîtiye, û bûye yekane welatê ku ji êrîşên hewayî yên her sê welatan ve hatiye lêdan.

Di 15 rojên borî de, Îraq bi windahiyên aborî yên giran re rû bi rû maye,hinardekirina petrolê bi girîngî kêm bûye, di heman demê de welat hîna jî êrîşên bi mûşek û dronan ji gelek aliyan ve dikişîne.

Behcet Ehmed, pisporê wuze û petrolê, ji PUKMEDIA re got :Şerê Amerîka-Îsraîlê bi Îranê re piraniya Tengava Hurmuz girtiye, hinardekirina petrolê ya Kendavê ji bo cîhanê kêm kiriye,niha, nêzîkî 20 milyon bermîl petrol kêmtir ji Tengava Hurmuzê tê hinardekirin bo Ewropayê.

Behcet Ehmed aşkere kir ku para Îraqê ji vê kêmbûnê tê de ye, û hinardekirina petrolê ya wê digel ziyanên din yên li zeviyên petrolê kêm bûye.

Ji destpêka pevçûnê ve bi sedan êrîşên hewayî li seranserê Îraqê hatine kirin,Îranê hin ji van êrîşan bi armanca diyarkirî ya hedefgirtina sazgehên Amerîkî û Îsraîlê pêk aniye, di heman demê de Amerîka û Îsraîlê li baregehên Hêzên Seferberiya Gel (PMF), ku wekî Heşdî Şebî jî tê zanîn) xistine.

Di encamê de, Îraq bûye yekem welatê ku bi êrîşên her sê aliyên di pevçûnê de re rû bi rû maye.

Serokwezîr Mihemed Şeyah El Sudanî di destpêka şer û pevçûnê de li hemberî êrîşên dawî yên li ser Îraqê got:Em li dijî şer in û emê nehêlin Îraq ji aliyê ti welatekî ve were bindestkirin û em êrîşên ku ji aliyê her sê neteweyan ve bi hincetên cûrbecûr têne kirin bi tundî şermezar dikin.

Serokwezîr tekez kir ku divê hemû welat rêz li serweriya Îraqê bigirin û ji xetereya aştiya welêt dûr bisekinin û got: Îraq ne beşek ji şerê herêmê ye.


PUKMEDIA