Şerê Amerîka-Îsraîlê digel Îranê ket hefteya duyê

Theglobeand

Tehran piştî êrîşa Îsraîlê

Îro Şemî rêkefta (07-03-2026 )an şerê di navbera Îsraîl û Îranê de derbasî hefteya xwe ya duyemîn bûye, her du alî jî êrîşên xwe yên mûşekî didomînin.

Bi 80 balafiran çend cihên Îranê hatin bombebaran kirin

Medyaya fermî ya Îranê roja Çarşemê ragihand ku çend cihên li Tehranê dîsa hatine bombebarankirin, di heman demê de Îsraîlê got: Wan Kolêja Polîsan ya Tehranê jî kiriye armanc ku zêdetirî 80 balafirên şer êrîş pêk anîne, di heman demê de medyaya Îsraîlê got: Artêşê avên mûşekan li rojava û navenda Îranê bombebaran kiriye û di demên dawî de 230 mûşekan êrîşên xwe pêk anîne.

 Embara mûşekan armanc hatiye girtin

Artêşa Îsraîlê ragihand ku du embarên mûşekan û zanîngeheke leşkerî ya navendî li bakur-rojhilatê Tehranê hatine armancgirtin.

Li gorî artêşa Îsraîlê, êrîşan navendeke fermandariya bin erdê û depoyên mûşekan armanc girtine.

 Êrîşa Îsraîlê bo ser Îranê berdewam e

Di heman demê de, Îranê îro serê sibê êrîşên xwe yên li ser bajarên Îsraîlê ji nû ve dest pê kirin, alarm da û sîstema parastinê ji nû ve aktîf kir.

 Divê Îran teslîm bibe.

 Derbarê agirbestê de, Serokê Amerîka Donald Trump helwesta xwe ya dawî ya li ser agirbestê ragihand û bang li Îranê kir ku di berdêla agirbestê de ew teslîm bibe.

Trump got:Ew li rêberekî qebûlkirî digerin ku dê bi Amerîka û Îsraîlê re baş tevbigerin, ji ber vê yekê ne girîng e ku ew ne demokrat û olperest be.

 Îran êrîşên xwe bo ser hevsê yên xwe radigire

 Serokê Îranê Mesûd Pazîşkiyan got:Em bi tu awayî teslîm nabin û xewna wan dê pêk neyê.

Pazîşkiyan, di peyameke vîdyoyî de, sivikbûna rageşiyê ragihand û eşkere kir ku ew ê êrîşên li ser welatên hevsê rawestînin, tenê xwe biparêzin.

Di heman demê de, berdevkê Hêzên Çekdar yên Îranê Ebû Fezil Şikarçî ji ajansa nûçeyan ya Tasnim re ragihand ku êrîşên li ser Îsraîlê dê berdewam bikin û got: Ji her cihê ku êrîş li ser me were kirin, ew ê bibe hedefa rewa ya êrîşên me."

 Her weha Şikarçî got:Em hewl didin ku zirarê nedin welatên hevsê û serweriya wan, ji ber vê yekê emê êrîşî her welatekî bikin ku êrîşî me kiribe.

Êrîşên li ser Lubnanê berdewam dikin

Êrîşên hewayî yên Îsraîlê li ser Îranê di 6ê Adara 2026an de, çend avahiyên li Beyrût ya paytexta Lubnanê armanc girtin.

Ev yek di demekê de ye ku, êrîşên Amerîka û Îsraîlê li ser Îranê di 28ê Sibata 2026an de dest pê kirin û Îranê bi tundî bersiv da êrîşan ku Îraq û Herêma Kurdistanê ji ber êrîşan ziyane dîtine, û hîna jî ne diyar e kengî û çawa şer dê bi dawî bibe, yan jî şer dê li gelek welatên din belav bibe.

PUKMEDIA