Çar kesên Kurd li Helebê ji ber êşkenceyê hatin kuştin

Rewangeha Sûrî bo Mafên Mirovan

Dema derketina xelkê Şêx Meqsûdê ji taxa xwe

Çar welatiyên taxên Kurdnişîn yên Şêx Meqsûd û Eşrefiyê piştî ku di bûyerên ku di meha Çile de li taxa Şêx Meqsûd ya parêzgeha Helebê rû dan hatin girtin, di navendên ragirtinê yên ji aliyê Hikûmeta Demkî ya Sûriyê ve tên birêvebirin de di bin îşkenceyê de canê xwe ji dst dane.

Di wê derbrê de, Rewangeha Sûrî bo Mafên Mirovan ragihand ku, ji malbatên qurbaniyan re hat gotin ku ji bo wergirtina terman û îmzekirina belgeyên mirinê, bêyî ku sedem an jî mercên mirinê werin aşkerekirin, biçin beşa Pizîşka Dadweriyê di heman demê de, hin term bêyî ku rê bidin muayeneyek tevahî hatin berdan.

Şêniyên gundewarên Efrîn roja 20ê Çile termên sê kesan, ku di nav wan de welatiyekî 49 salî jî hebû, wergirtin ku ew roja 10ê mehê de dema ku bi niştecihên gundewarê Efrîn re ji taxa Şêx Meqsûd derdiket, ji aliyê Wezareta Parastinê ya Sûriyê ve hatibû girtin, ew ji gundê Hopkê yê navçeya Raco ya Efrîn bû.

Çavkaniyên herêmî ragihandin ku hersê terman bêyî ku destûr bidin wan ku terman keşif bikin, radestî malbatên wan hatine kirin û Ewlekariya Giştî ew neçar kiriye ku belgeyên mirinê îmze bikin.

Di heman çarçoveyê de, malbata welatiyekî din ji gundê Kurzilê yê navçeya Bulbul ya bajarê Efrîn hat agahdarkirin ku roja 22ê Çile belgeya mirina kurê xwe îmze bikin û wî li goristana Hec Ebdulqadir El Sebax" veşêrin û wê çavkaniyan destnîşan kirin ku ew ji aliyê Wezareta Parastinê ya Sûriyê ve li taxa Şêx Meqsûd di dema êrîşa li ser wê de hatiye girtin.

Ev yek di demekê de tê ku binpêkirinên berdewam ji aliyê hêzên girêdayî hikûmeta demkî û hevalbendên wê ve têne kirin, û nebûna mudaxeleya Civaka Navneteweyî ya eşkere li hember van binpêkirinan.

Hejmara şehîd û kesên ku ji roja yekem ya aloziyê ve li taxên Helebê hatine kuştin gihîştiye 111 kesan, di nav wan de:

-51 sivîl, di nav de 8 jin û 6 zarok, bi vî awayî hatin kuştin:
-33 li taxa Şêx Meqsûd, di nav de 6 jin û 4 zarok.
-4 kes, di nav de 2 jin û zarokek, li taxa Meydan.
-Du karmendên Nexweşxaneya Osman li taxa Eşrefiyê bi awayekî bêserûber hatin bi darvekirin.
-Li taxa Eşrefiyê heft mêr bi awayekî bêserûber hatin bi darvekirin.
-Zarokek ji ber kişandina gaza rondikrêj mir.
-Çar kes di zîndanên hikûmeta demkî ya Sûriyê de di bin îşkenceyê de mirin.
-59  ji serbazan:
-38 ji Wezareta Parastinê.
-15 endamên Hêzên Asayîşa Navxwe, di nav de 4 endamên Yekîneyên Parastina Jinan (YPJ), ku termên wan li taxa Şêx Meqsûd hatin şewitandin.
-Endamek ji Yekîneyên Parastina Jinan (YPJ), yên hêzên navxwe yên asayîşê di şer û pevçûnan de li taxa Şêx Meqsûd hat kuştin û ji avahiyeke bilind hat avêtin.
-5 endamên hêzên asayîşa navxwe li şerê li taxa Şêx Meqsûd hatin kuştin.
Her weha hejmarek mezin hîna winda ne û çarenivîsa wan ne diyar e ji ber nebûna tora peywendiyan û hêla Internêtê.

PUKMEDIA