Malîkî berpirsyariya vekişînê dixe stuyê Çarçoveya Hemahengiyê

PUKMEDIA

Erşîf/ civîna çarçoveya hemahengiyê

Şeva borî Çarçoveya Hemahengiyê civîya û li gorî zanyariyan, di civînê de biryar dane ku Nûrî Malikî ji berbijêrbûna ji bo avakirina hikûmetê vekişînin. Endamekî xula pêşû ya Civata Nûneran a Îraqê jî dibêje: Malikî berpirsyariya biryara vekişîna xwe dixe stuyê serkirdayetiya Çarçoveya Hemahengiyê.

Karwan Yarweys, endamê xula pêşû ya Civata Nûneran a Îraqê ji PUKMEDIA re ragihand: Li gorî agahiyên min, civîn bêyî amadebûna Malikî bûye. Wekî me berê jî gotibû, Malikî berpirsyarîya biryara vekişînê dixe ser milê serokatiya Çarçoveya Hemahengiyê, da ku li pêşberî raya giştî ya Şîe wekî tawîzdar neyê naskirin.

Hevdem, Çarçoveya Hemahengiyê di daxuyaniyekê de civîn piştrast kiriye, lê behsa biryara vekişîna Nûrî Malikî ji bo wergirtina posta Serokwezîrtiya Îraqê nekiriye, tenê amaje bi wê yekê kiriye ku divê hewildan werin yekxistin ji bo avakirina hikûmeta nû ya Îraqê û Çarçoveya Hemahengiyê dê piştgir be.


PUKMEDIA