Sûdanî: Em rê nadin Îraqê bikeve nav şer û pevçûnan

PUKMEDIA

Encumena wezîran

Di civîneke awarte ya Encumena Wezîran de Sûdanî ragihand: Em ê li dijî her hewleke ku ewlehiya welat têk bibe bisekinin û em rê nadin tu aliyekî ku Îraqê bikişîne nav nakokiyan.
Mihemed Şeya Sûdanî, Serokwezîrê Îraqê û Fermandarê Giştî yê Hêzên Çekdar, serokatiya civîneke awarte ya Encumena Wezîran a ji bo Ewlehiya Neteweyî kir û ferman da hêzên ewlehiyê ku li dijî her hewleke têkdana ewlehiya welat bisekinin û tekez kir: Em rê nadin tu aliyekî ku Îraqê bikişîne nav nakokiyên herêmê, biryara şer û aştiyê tenê di desthilata dewletê de ye.

Sûdanî her wiha ragihand: Hikûmet pabende bi parastina balyozxane û saziyên hestiyar û rêgirtina li her êrîşekê bo ser wan.
Di civînê de behsa bandorên aborî yên şerê li herêmê hate kirin û wezîrên têkildar planên xwe yên ji bo dabînkirina sotemenî, enerjî û ewlehiya xurekê pêşkêş kirin.

PUKMEDIA