Îran bersiva êrişan dide

Medya

Êrîşa mûşekî ya Îsraîlê li ser başûrê Tehranê

Îro, Şemî rêkefta (28-02-2026) an Îsraîl û Amerîka êrîşeke hevbeş li dijî Îranê dest pê kirin, ku çend deverên stratejîk kirin armanc û Îranê jî bersiva êrişan daye.

Artêşa Îsraîlê di daxuyaniyek e lezgîn de aşkere kir ku hêzên wan yên esmanî êrîşên pêşîlêgirtinê li ser çendîn baregehên leşkerî û stratejîk ên di nav Îranê de dane destpêkirin.

Medyaya Îsraîlê ragihand ku bi dehan hedefên li nav Îranê hatine bombebarankirin, di heman demê de ajansên nûçeyan ên Îranê gotin ku mûşek li kolanên Zanîngeh û Cumhurî yên li navenda Tehranê, Meydana Pastor ketine û li gelek deverên paytextê dûman bilind bûye.

Digel destpêkirina êrîşan, Îsraîlê rewşa awarte ragihand, di heman demê de Artêşa Îsraîlê biryar daku hemû çalakiyên perwerdehî û kombûnên giştî, û her weha çûna cihên giştî û kargehan qedexe bike, ji bilî kompaniya û navendên ku wekî saziyên bingehîn têne polên kirin.

Di heman demê de, Îranê bi êrîşeke berfireh ya bê firokevan û mûşekan bersiv da, û Ajansa Tesnîm ya Îranê belav kiriye ku, medyaya Îsraîlê piştrast kir ku dengê teqînan li Heyfa jî dihat.

Ji ber dubarebûna êrîşan û bersiva Îranê, Îran û Îsraîlê di demeke kurt de qada xwe ya hewayî ji bo demek nediyar girtin, Wezareta Veguhestinê ya Iraqê jî ragihand ku qada hewayî ya welêt ji bo hemî balafiran hatiye girtin.
 
PUKJMEDIA