Îsraîl li dijî Îranê êrîşeke pêşwext da destpêkirin

Ajans

Dîmenê Tehranê îro

Wezîrê Parastinê yê Îsraîlê Îsraîl Katz îro roja Şemiyê rêkefta (28-02-2026) ragihand ku Îsraîlê bi beşdariya Amerîka êrîşeke pêşîlêgir li dijî Îranê da destpêkirin û got: Armanca êrîşê ji navbirina her gefên li ser Îsraîlê ye.

Artêşa Îsraîlê diyar kir ku ji bo êrîşeke mûşekî ya dibekî li ser Îsraîlê alaram lê dane û destnîşan kir ku xwendingeh girtî ne, ji Îsraîliyan re hatiye gotin ku ji malê bixebitin û kombûnên giştî qedexe ne.

Artêşa Îsraîlê aşkere kir ku armanca hişyariya pêşîlêgir ew e ku raya giştî ji bo egera avêtina mûşekan ber bi axa Îsraîlê ve amade bike.
Her weha medyaya Îranê jî ragihand ku çar teqîn li navenda Tehranê hatine bihîstin.

Her wiha wan ragihand ku dûyek stûr ji derdora Kolana Pasteur ya li paytextê bilind bûye.

Ajansa Nûçeyan ya Fars piştrast kir ku çend mûşek li Kolana Zanîngehê û herêma Cimhuriye ya li Tehranê ketine.

Ajansa nûçeyan ya Îranê IRNA ragihand ku dengek teqînê bihîstiye û dûyek stûr li herêmê dîtiye û got ku otombêlên agirkujiyê ji bo cihê bûyerê li navenda bajêr hatine şandin.

IRNA her wiha ragihand ku çend mûşek li Kolana Zanîngehê û herêma Cimhuriye ya li Tehranê ketine, sê teqîn û bandorên mûşekan li cihên jorîn hatine tomar kirin.

PUKMEDIA