Terorîstên DAIŞê 10 çalakî li hêzên Sûriyê encam daye

SOHR

Bajarê Reqa

Rewangeha Sûrî bo Mafên Mirovan (SOHR) ragihand ku terorîstên DAIŞê di rojên dawî de 10 êriş li dijî hêzên Hikûmeta Veguhêz pêk anîne, Wezîrê Navxwe yê Sûriyê jî diyar kir, ewê şerê şaneyên veşartî yên DAIŞê bikin.

Rewangeha Sûrî bo Mafên Mirovan (SOHR) aşkere kir ku, ji 21ê vê mehê ve terorîstên DAIŞê 10 êrîş li dijî hêzên Hikûmeta Demkî yên Hikûmeta Sûriyê pêk anîne û di encamê de 12 serbazên hikûmetê û welatiyekî sivîl hatine kuştin.

Rewangeha Sûrî bo Mafên Mirovan (SOHR) tekwz kiriye ku herî dawî terorîstên DAIŞ’ê êrîşeke dijwar li bajarê Reqa li dijî hêzên Hikûmeta Demkî pêk anîbû û di encamê de 4 serbaz kuştibûn.

Ev yek di demekê de ye ku, roja 21ê mehê Berdevkê DAIŞ’ê yê bi navê Ebû Hûzeyfe El-Ensarî di peyamekê de şer li dijî Hikûmeta Demkî ragihandibû.

Ji aliyê xwe ve jî Wezîrê Navxwe yê Sûriyê Enes Xetab li ser X’ê gotibû: Ewê berdewam şerê şaneyên DAIŞ’ê û bermahiyên desthilata Esed jî bikin.

PUKMEDIA