Trump Îranê bi pêşxistina mûşekan tawanbar dike

Ajans

Serokê Amerîkayê Donald Trump

Serokê Amerîkayê Donald Trump Îran bi wê yekê tawanbar kir ku dixwaze mûşekan pêş bixe da ku bikaribin li Dewletên Yekbûyî yên Amerîkayê bixin, di heman demê de tekez kir ku rêbaza wî ya bijarte ji bo danûstandina bi Tehranê re dîplomasî ye.

Di gotarê ku ji hêla medyayê ve hatiye weşandin de, Trump diyar kir ku Îranê "jixwe mûşekên ku dikarin gefê li Ewropa û baregehên me yên li derveyî welêt bixin pêş xistine, û li ser mûşekên ku dê di demek nêzîk de bigihîjin Dewletên Yekbûyî yên Amerîkayê dixebite."

Wî tekez kir ku siyaseta Amerîkayê bi dehsalane li ser pêşîgirtina li Îranê ji bidestxistina çekek nukleerî ye, û got, nayê qebûl kirin ku Îran çekek nukleerî hebe, û siyaseta aştiyê bi hêzê bandorker, derketiye holê.

Serokê Amerîkayê eşkere kir ku welatê wî niha bi Tehranê re danûstandinan dike, û got em niha bi Îranê re di danûstandinan de ne, û ew dixwazin bi me re lihevkirinekê bikin. Wî destnîşan kir ku Washingtonê piştî êrîşên havîna borî, Tehran ji bo ji nûve avakirina bernameya çekên xwe, nemaze bernameya xwe ya nukleerî, hişyar kir.

Di sala 2025an de, Ajansa Îstîxbarata Parastinê ya DYAyê texmîn kir ku Îran dikare heta sala 2035an  bikaribe mûşekek balîstîk a welatan derbas bike pêş bixe, bêyî ku piştrast bike ka Tehranê biryarek wisa daye an na.

Li gorî rêveberiya Lêkolînên Kongresê ya Dewletên Yekbûyî yên Amerîkayê, Îran niha xwediyê mûşekên balîstîk ên kurt û navîne e ku tenê dighîne nêzîkî 3,000 kîlometre , di heman demê de Dewletên Yekbûyî yên Amerîkayê ji rojavayê dûr ê Îranê zêdetirî 9,000 kîlometre dûr e.


PUKMEDIA