Şandek hikûmeta Sûriyê gihîşte Firokxaneya Qamîşlo

Medya

Şanda Hikûmeta Sûriyê û berpirsên ewlekariyê yên Hesekê

Şandeke teknîkî ji hikûmeta demkî ya Sûriyê gihîşt Firokxaneya Navneteweyî ya Qamîşlî daku li firokxaneyê bigerin û amadekariyên ji bo vekirina wê di rojên pêş de bikin.

Di çarçoveya cî bi cîkirina mercên Rêkeftina ku di 29ê Çile de di navbera Hêzên Sûriye Demokratîk û Hikûmeta Demkî ya Sûriyê de hatibû îmzekirin, îro, Şemiyê, şandek ji Alîkarê Serokê Desteya Esmanî ya Sivîl ya Sûriyê, Emced Nexal, û hejmarek teknîsyenan gihîştin Firokxaneya Navneteweyî ya Qamîşlo ku şande ji aliyê Fermandarê Hêzên Ewlekariya Navxwe yê parêzgeha Hesekê Merwan El Elî û Serokê Hêzên Ewlekariya Navxwe Mehmûd Xelîl Elî ve hate pêşwazîkirin.

Piştî civînekê ku ji bo amadekariyên ji nû ve vekirina wê di rojên pêş de hat lidarxistin, biryar e ku şande di hundirê balafirgehê de serdaneke vekolînê bike.

PUKMEDIA