Gera 2. ya danûstanên Cinêvê navbera Ukrayna û Rûsya bi dawî bû

Ajans

Dîmenek ji Cinêvê

Gera duyemîn ya danûstandinên Cinêvê di navbera Ukrayna û Rûsya de di nav êrîşên berdewam ên Rûsya de bi dawî bû, Amerîka geşbîniya xwe nîşan da û Ukrayna jî li ser pabendbûna Moskow ya bi aştiyê hişyar ma.

Nûnerê Amerîkî Steve Witkoff li ser hewldanên welatê xwe yên ji bo bidawîkirina şerê nêzîkî çar salan geşbîniya xwe nîşan da.

Serokê Ukrayna Volodymyr Zelensky danûstandinan wekî dijwar bi nav kir, û tekez kir ku "Beşdariya Ewropî di danûstandinên bi Rûsya re pir girîng e, di vê navberê de, serokê şandeya Rûsya, Vladimir Medinsky, diyar kir ku "danûstandin dijwar bûn lê pratîkî bûn, û gera nû dê di demek nêzîk de were lidarxistin.

Ev danûstandin piştî têkçûna du gerên berê yên li Ebû Zebî tên. Washington li lihevkirinek di derbarê deverên ku ji hêla Rûsya ve têne îdîakirin de digere.

Nûnerê Amerîkî serbilindiya xwe bi "pêşkeftina girîng" ya ku bi rêya hewldanên dîplomatîk di bin serokatiya Serok Trump de hatî bidestxistin anî ziman.

Li ser erdê, hêzên Rûsya berî destpêkirina roja duyemîn ya danûstandinan êrîşên berfireh yên esmanî û mûşekî li ser axa Ukrayna dest pê kirin, ev yek bû sedem ku Wezîrê Derve yê Ukrayna Andriy Sybiha êrîşan wekî "asta paşguhkirina hewldanên aştiyê ji aliyê Rûsya ve bi nav bike.

PUKMEDIA