Îlham Ehmed û Mezlûm Ebdî digel Wezîrê Derve yê Almanya civiyan

ANHA

Civîna Îlham Ehmed û Mezlûm Ebdî digel Wezîrê Derve yê Almanya

Îlham Ehmed û Mezlûm Ebdî digel Wezîrê Derve yê Almanya li Munchenê civiyan û bi hevre  tekez li ser girîngiya çareseriyeke siyasî ji bo qeyrana Sûriyê, parastina yekparçeyiya axa Sûriyê û misogerkirina mafên hemû pêkhateyan di çarçoveyeke demokratîk de ku ewlehî û aramiyê pêk tîne, û taybetmendiya gelê Kurd li herêmên wan hat kirin.

Hevseroka Beşa Peywendiyên Derve ya Rêveberiya Xweser Îlham Ehmed û fermandarê giştî yê Hêzên Sûriye Demokratîk Mezlûm Ebdî di çarçoveya Konferansa Ewlehiyê ya Munchenê de digel Wezîrê Derve yê Almanya Johannes Wadephul civiyan.

Di çarçoveya Konferansa Ewlehiyê ya Munchenê, Hevseroka Beşa Peywendiyên Derve ya Rêveberiya Xweser Îlham Ehmed û Fermandarê Giştî yê Hêzên Sûriye Demokratîk Mezlûm Ebdî digel Wezîrê Derve yê Almanya Johann Wadephul civiyan.

Ev civîn di çarçoveya rêzecivîn û hevdîtinên dijwar yên ku şandeya Rêveberiya Xweser û Hêzên Sûriye Demokratîk di çend rojên borî de li Munchenê lidar xistin, tê, ku li wir bi hejmarek berpirsên navneteweyî û nûnerên welatên beşdar di konferansê de civîn hatine lidarxistin.

Di van civînan de, ji bilî gotûbêjkirina mijarên derbarê têkoşîna li dijî terorê û xurtkirina aramiya herêmî, li ser pêşketinên dawî yên rewşa Sûriyê, pêşeroja pêvajoya siyasî û girîngiya parastina destkeftiyên li herêmên bakur û Rojhilatê Sûriyeyê hatine bidestxistin, gotûbêj hatin kirin.

Di civînan de bi hevre girîngiya çareseriyeke siyasî ji bo qeyrana Sûriyê, parastina yekparçeyiya axa Sûriyeyê û misogerkirina mafên hemû pêkhateyan di çarçoveyeke demokratîk de ku ewlehî û aramiyê pêk tîne, hat destnîşankirin, di heman demê de taybetmendiya gelê Kurd li herêmên wan hat tekez kirin.

PUKMEDIA