Parlemana Ewropa:Divê mafên Kurdên Rojava bê parastin

AJANS

Civînek ya Parlemana Ewropa

Di civîneke çapemeniyê de li Strasbourgê, serokên fraksyonên siyasî yên li Parlamena Ewropa li ser pêşketinên li Rojava û Sûriyê gotûbêj kirin, lê bêyî ku tedbîrên pratîkî ji bo piştgiriya herêmê bigirin.

Daxuyaniyê bal kişandin ser mafên mirovan û serweriya yasayê, û rexne li helwestên qels yên li hember hikûmeta demkî ya Sûriyê ya ku ji aliyê Turkiye ve tê piştgirîkirin û ji 6ê Çile ve êrîşî Rojava dike, hatin kirin.

Serokê Hevpeymaniya Pêşverû ya Sosyalîst û Demokratan, Garcia Perez, tekez li ser pêwîstiya parastina nirxên gerdûnî kir, lê rasterast êrîş an piştgiriya darayî ya ku ji hikûmeta Ehmed El-Şareh re hatiye veqetandin rexne nekir.

Nicola Procassini, Hevserokê Partiya Parêzgaran û Çaksazî yê Ewropî, hilweşîna rejîma Beisê wekî tiştek erênî nirxand, û hêviya xwe ji bo rêveberiyek nû ya baştir ji bo pêkhateyên Sûriyê anî ziman.

Valérie Heyer, seroka partiya lîberal ya Renew Europe, fikarên xwe li ser pêvajoya veguhêz li Sûriyê anî ziman, ku berpirsiyarî ji hikûmetên neteweyî re dihêle.

Hevserokê Kesk: , daxwaza parastina gelê Kurdên Rojava dike

Di heman demê de, Thierry Reintke, Hevserokê Keskên Ewropî/Hevpeymaniya Azadiyê, bêyî ku mekanîzmayek pêkanînê ya zelal destnîşan bike, daxwaza parastina gelê Kurd, zexta dîplomatîk û fînansekirina rasterast ji bo deverên Kurdî kir.

Koma Çep: Şandina terorîstên DAIŞ'ê ji bo şerê li dijî Kurdan gefek eli ewlehiya Ewropa jî

Koma Çep (GUE/NGL) rexneyên herî tund kir, hevserok Martin Scherdin êrîşên hikûmeta demkî yên li ser Rojava û Helebê şermezar kir û plana piştgiriyê ya 620 milyon Euroyî ya Ewropa wekî "tirsnak" bi nav kir, û hişyarî da ku şandina terorîstên DAIŞ'ê ji bo şerê li dijî Kurdan gefek cidî li ser ewlehiya Ewropa çêdike.

Koma Çep daxwaza naskirina xweseriya Kurdên Rojava dike

Her weha Koma Çep her daxwaza naskirina xweseriya Kurdan, danîna peywendiyên dîplomatîk yên rasterast bi Rojava re û rawestandina piştgiriya darayî ya ji bo hikûmeta demkî ya Sûriyê kir.

PUKMEDIA