NY li ser tawanên şer li gundewarê Kobanê lêkolîn dike

Ajans

Stephane Dûjarrîc Berdevkê Neteweyên Yekbûyî (NY)

Berdevkê Neteweyên Yekbûyî (NY) eşkere kir ku ew li ser tawanên şer yên li gundewarên Kobanê li dijî welatiyan pêk hatine lêkolînan dikin.

Di wê derbarê de, Stephane Dûjarrîc Berdevkê Neteweyên Yekbûyî (NY) ku bersiva pirsên rojnamegeran da, têde bal kişand ser êrişên hêzên Hikûmeta Demkî û Turkiyê yên li dijî Kurdan û got: Digel tevgera leşkerî kêm bûye jî qeyrana mirovîn kûr dibe û nêzîk 160 hezar kes hêj di rewşa koçberiyê de ye.

Dûjarrîc aşkere kir ku li gorî amarên tîmên NY`ê piştî Peymana 30`ê Çile li bajarên Heleb, Hesekê û Reqa digel kêmbûna şer û pevçûnan jî hêj koçber venegeriyane ser malên xwe û ev agahî dan: “Hêj 160 hezar kes di rewşa koçberiyê de ye.

Dûjarrîc got: Ji bo gihandina alîkariyan pêşketin heye lê tunebûna karebayê sîstema belavkirina avê têk dibe û hêlên telefonê girtine û pirsgirêka herî mezin jî derfetên xurekan gelek kêm in lê perwerdehî bi tevahî sekiniye.

Stephane Dûjarrîc derbarê zêdeyî 70 gundên Kobaniyê talan û wirankirina malan heye got: Em li ser vê pirsê radiwestin û ez bawerim hebûna NYê ya li herêmê dê alîkariya parastina sivîlan bike.

Ev yek di demekê de ye ku,niha Kobanî li nêzîkî 70 stargeh û navendan mazûvaniya zêdetirî 200,000 kesên koçber dike,Bi tevahî, dorpêçê bandor li jiyana nêzîkî 600 hezar sivîl û kesên koçber kiriye ku piştî ku deverên wan ên malên wan di mehên dawî de rastî êrîşan hatin, li bajêr penaber bûn.

Tevî fişarên berdewam, xelkê Kobanî li hember dorpêçê li ber xwe didin û tekez dikin ku berxwedana wan ji bo parastina destkeftiyên ku ji hêla nifûsê ve hatine bidestxistin girîng e.

PUKMEDIA