HSDê pêşniyarek pêşkêşî Wezareta Parastina Sûriyê dike

PUKMEDIA

Ala HSD û hikûmeta demkî ya Sûriyê

Serkirdayetiya HSDê pêşniyarek nîv-temam pêşkêşî Wezareta Parastinê ya Sûriyê kir, ku tê de çend xal hene ji bo temamkirina pêvajoya yekbûnê, di nav de:

Yekem:Radestkirina çar navendên asayîşa navxweyî li Hesekê û du navendan li Qamîşlo, da ku danûstandinên welatiyan werin pêvajokirin.

Duyem: ji nû ve vekirina balafirgeha Qamîşlo di bin parastina hêzên asayîş de û birêvebirina wê ji aliyê karmendên sivîl yên Rêveberiya Firokevaniya Sûriyê ve.

Sêyem:Şandina fermanberan ji bo çavdêriya deriyê Sêmalka, digel derî di bin parastina hêzên asayîşa de bimîne.

Çarem:Vekirina bîrên petrolê yên Rêmlanê ji aliyê karmendên Wezareta Petrolê ya Sûriyê ve, bi mercê ku ew di bin kontrola asayîşê de bimînin, û her wiha beşek ji hilberînê ji bo pêşxistina Hesekê, ku ji aliyê HSDê ve tê birêvebirin, were veqetandin.

Pêncemîn: Vekişîna hêzên HSDê bo Amûdê, Dêrîkê (Malikiyê), Dirbêsyayê û Kobanê û danîna çar lîwayan li şûna wan, ku ji aliyê îdarî ve girêdayî Wezareta Parastinê bin û mûçeyên xwe ji Wezaretê werbigirin.

Şeşem, hêzên asayîşê dê li hemû deverên ku HSDê niha lê ye, di nav de Heseke û Qamîşlo, bimînin û rêveberiya ewlehiyê ya wan deveran bigirin ser xwe.

Heftem: Pêşkêşkirina lîsta navên endamên asayîşê ji bo ku mûçeyên wan ji Wezareta Navxweyî ya Sûriyê re werin dayîn.

Heştem:Bilindkirina alên Sûriyê li seranserî parêzgehê.

Nehem: Pêvajoyek berfireh ya danûstandina girtiyan pêk bînin.

Dehem: Pabendbûna endamên asayîşa navxweyî ji bo mayîna di nav Çar Goşeya ewlekariyê yên Hesekê û Qamîşlo de, bi mercê ku hêzên asayîşê hemû pêdiviyên wan dabîn bikin.

Yanzdeh: Endamên asayîşa Navxweyî li herdu bajarên Hesekê û Qamîşlo çi desthilata ewlehiyê nabe.

Duwanzem: Avakirina xalên kontrolê yên hevbeş di navbera hêzên asayîşa navxweyî û hêzên ewlehiyê de li tevahiya gundên bajarê Kobanî, di heman demê de lîwaya ser bi Hêzên Sûriya Demokratîk (HSD) li nav bajêr werin bicihkirin.

PUKMEDIA