Parêzgarê Hesekê: Emê xizmeta hemû pêkhateyan bikin

ANHA

Parêzgarê Hesekê pêşwazî li mêvanan dike

Nureddîn Îsa Ehmed wek parêzgarê Hesekê li Rojavayê Kurdistanê dest bi kar kit, bi vê yekê bûye yekem parêzgarê Kurd ku vê postê digire ku nûnerayetiya rastî ya daxwazên Kurdan û hemû civakên din dike.

Piştî rêkeftineke di navbera Hêzên Sûriye Demokratîk (HSD) û hikûmeta Şamê de, Nûredîn Îsa Ehmed li ser pêşniyara Hêzên Sûriye Demokratîk wek parêzgarê Hesekê hat destnîşankirin û Piştî gihîştina bajêr, ragihand  ku ev destkeftî bi saya keda şehîdan, welatparêzan û gelê me yê li welêt û li derveyî welêt, ku bi salan e ji bo vê rojê têdikoşin, pêk hat.

Amaje bi wê yekê kir ku, ev cara yekem e ku parêzgarê Hesekê Kurd e, lê emê li ser yekîtî û hevgirtina pêkhateyan kar bikin û saziyên xwe ji bo xizmeta gel xurt bikin.

Nûredîn Îsa Ehmed, roja 4ê Sibata 2026an, wekî namzetê parêzgar gihîşte Hesekê û ji aliyê niştecihên bajêr ve bi germî hate pêşwazîkirin.
Diyarîkirina Nûredîn Îsa beşek ji rêkeftina di navbera HSDê û hikûmeta Sûriyê de ye ku di 30ê Çileya 2026an de hatiye kirin, ku têde destnîşankirina parêzgarekî ji bo Hesekê li ser pêşniyara HSDê dest bi kar dike.

Hêzên asayîşa navxweyî wê li bajêr bimînin û hêzên hikûmeta Sûriyê wê nekevin nav bajar û gundên Kurdan.

Nûredîn Îsa Ehmed di sala 1969ˊan de li Qamişloyê ji dayik bûye, dîplomata endazyariya mekanîk û elektrîkê ji Zanîngeha Şamê wergirtiye.

-Parêzgar Nûredîn Îsa kiye?

 -Ji sala 1993ˊan heta 2012ˊan wekî endazyar di Têl û Bê têlê ya Hesekê û Qamişlo de kar kiriye.

-Piştî destpêkirina şoreşa Sûriyê ji ber beşdarbûna wî di xwepêşandanên li dijî rejîma Beisê de û ji aliyê dezgehên ewlehiyê yên rejîmê ve dihat xwestin, ji karê xwe hate bidûrxistin.

-Ji wê demê ve, Nûredîn Ehmed di warê leşkerî û parastina herêmê de beşdar bûye, di pileya leşkerî de bilind bûye, di Cotmeha 2015ˊan dema damezrandina Hêzên Sûriya Demokratîk (HSD) de, berpirsiyariya peywendiyên giştî girtiye û endamê Fermandariya Giştî ya QSDˊê jî bûye.

Ev rêkeftina di navbera HSDê û hikûmeta Sûriyê de piştî berxwedana şervanan li eniyên Hesekê, Qamîşlo û Kobanî pêk hat, ku rê li ber derbasbûna çekdarên hikûmeta Sûriyê bo rojava girt ku Mezlûm Ebdî rêkeftina 18-02-2026an red kiriye û
 Ragihand ku emê gelê xwe biparêzin û ev yek destpêka peymanek berfirehtir nîşan da ku bê hempabûna herêmên Kurdî û ragirtina hêzên Sûrî yên demokratîk diparêze, li gorî rêkeftinê, hêzên asayîşa navxweyî dê li deverên Kurdî aramiyê biparêzin û hêzên ewlehiyê yên Sûriyê dê bi awayekî demkî li Çar Goşey ewlehiyê, bêyî çi erkê, werin bicihkirin.

PUKMEDIA