Amerîka tometbarekî din yê êrîşa Bengazî girt

Medya

Dema bvegera Bekuş bo Amerîka

Nivîsingeha Lêpirsînê ya Federal (FBI) eşkere kir ku Zubêr Bekuş, ku bi beşdarbûna di êrîşa 2012an bo ser ser konsulxaneya Amerîka li Bengazî ya Lîbya de tê tawanbarkirin, niha di bin çavdêriya Amerîka de ye.

Wezîrê Dadê yê Amerîka ragihand ku Bekuş ji aliyê welatekî biyanî ve radestî Washingtonê hatiye kirin.

Gumanbar bi sê tohmetên sereke tê tawanbarkirin: kuştina bi zanebûn, şewitandina bi mebest û kirina kiryarên terorîstî.

Ev duyemîn tawanbarê sereke ye ku dikeve destê Amerîka, piştî ku Ehmed Ebû Xetale sala 2014an wekî plankerê êrîşê hate girtin û niha sizayê xwe yê girtîgehê dikişîne.

Di êrîşa 11ê Îlona 2012an bo ser balyozxaneya Amerîka li Lîbya 4 Amerîkî hatin kuştin, di nav wan de Balyozê Amerîkî yê wê demê Christopher Stevens jî hebû.

Doza Bengazî hîna jî di navbera Komarî û Demokratan de mijareke siyasî ya germ e, û rexne li awayê parastina konsulxaneyê di bin serokatiya Obama û Hillary Clinton de tên girtin.

PUKMEDIA